دِل میں نبیؐ کی یاد بسی ہے زہے نصیب
دنیائے عِشق جھوم رہی ہے زہے نصیب
Dil mein Nabiؐ ki yaad basi hai zahe naseeb
Duniyae ishq jhoom rahi hai zahe naseeb
ہم مَست آج کے نہیں مَستِ اَلست ہیں
مَے عِشقِ مُصطفےٰ کی ملی ہے زہے نصیب
Hum mast aaj ke nahi mast-e alast hain
Mey ishq-e Mustafa ki mili hai zahe naseeb
محشر میں بات خوب بنی ہے زہے نصیب
سَر پر رِ دائے لطفِ نبیؐ ہے زہے نصیب
Mahshar mein baat khoob bani hai zahe naseeb
Sar par ri daaye lutf-e Nabiؐ hai zahe naseeb
ہر شے میں دیکھتے ہیں تجلی حضورؐ کی
شائستگی نظر کو مِلی ہے زہے نصیب
Har shai mein dekhte hain tajalli Huzoorؐ ki
Shaistegi nazar ko mili hai zahe naseeb
جِس در پہ سر جھکانا ہے مقصودِ زندگی
میری جبین ِ شوق جھکی ہے زہے نصیب
Jis dar pe sar jhukaana hai maqsud-e zindagi
Meri jabeen-e shauq jhuki hai zahe naseeb
اغیار کے کرم سے نہیں ہوں میں شرمسار
جھولی مِری تمہی نے بھری ہے زہے نصیب
Aghyar ke karam se nahi hoon main sharmsaar
Jholi meri tumhi ne bhari hai zahe naseeb
محبوب کی رضا ہے رضائے خدائے حشر
میزان اک طرف کی دھری ہے زہے نصیب
Mahboob ki raza hai raza-e Khuda-e hashr
Mezaan ek taraf ki dhari hai zahe naseeb
خالدؔ ہے نازِ نسبت سرکارؐ پر مجھے
نعمت بھی بہترین یہی ہے زہے نصیب
Khalidؔ hai naaz-e nisbat Sarkarؐ par mujhe
Nemat bhi bahtareen yahi hai zahe naseeb
Share This Naat
Share with friends and family
دِل میں نبیؐ کی یاد بسی ہے زہے نصیب
خالد محمود خالد