اٹھا کے دیکھ رسالت مآب کی تاریخ
ملے گی سب سے جدا انقلاب کی تاریخ
utha ke dekh risalat maab ki tareekh
mile gi sab se juda inqilab ki tareekh
وقار دیتا نہ دینِ نبیؐ جو بیوہ کو
بلند ہوتی نہ عصمت مآب کی تاریخ
waqar deta na deen-e-nabi (SAW) jo bewa ko
buland hoti na ismat maab ki tareekh
مرے نبی کے پسینے کی بَو کا صدقہ ہے
ہے عطر بیز جو مشک و گلاب کی تاریخ
mere nabi ke paseene ki boo ka sadqa hai
hai itar bez jo mushk o gulab ki tareekh
جمالِ روئے نبی کے حسین پرتو سے
لکھی گئی ہے رخِ آفتاب کی تاریخ
jamal-e-ru'e nabi ke haseen partaw se
likhi gayi hai rukh-e-aftaab ki tareekh
بدل سکا نہ کوئی ایک حرفِ قرآنی
بڑی عظیم ہے رب کی کتاب کی تاریخ
badal saka na koi aik harf-e-qauraani
bari azeem hai rab ki kitaab ki tareekh
رسولِ پاک کی بعثت اگر نہیں ہوتی
نہ ہوتی دہر کی اس آب و تاب کی تاریخ
rasool-e-paak ki ba'athat agar nahi hoti
na hoti dahr ki is aab o taab ki tareekh
وقارِ دینِ پیمبر کی آبرو کہیے
شہادتِ پسرِ بو تراب کی تاریخ
waqar-e-deen-e-paembar ki aabru kahiye
shahadat-e-pisar-e-bo taaraab ki tareekh
ہم اب بھی دور ہیں احسؔن نبی کی سنت سے
بہت قریب ہے روزِ حساب کی تاریخ
hum ab bhi dour hain aahsaan nabi ki sunnat se
bohat qareeb hai roz-e-hisaab ki tareekh
Share This Naat
Share with friends and family
اٹھا کے دیکھ رسالت مآب کی تاریخ
احسن اعظمی