سبز گنبد کے مناظر دور تک
ہیں بہاروں کے مظاہر دور تک
Sabz gunbad ke manazir door tak
Hain baharon ke mazahir door tak
نکہت و رنگِ چمن سے ہے عیاں
حسنِ شاہِؐ خوباں ظاہر دور تک
Nikhhat o rang e chaman se hai ayaan
Husn e Shah e ﷺ khooban zahir door tak
لے کے دل میں ذوق و شوقِ حاضری
دیکھتا ہے ہر مسافر دور تک
Le ke dil mein zouq o shouq e haazri
Dekhta hai har musafir door tak
واپسی پہ شہرِ طیبہ کی طرف
دیکھتا رہتا ہے زائر دور تک
Wapsi pe shehar e Taiba ki taraf
Dekhta rehta hai zaair door tak
یا نبیؐ! بخشیں ہمیں اپنی اماں
ہے ستم آمادہ کافر دور تک
Ya Nabi ﷺ! Bakhshain humein apni amaan
Hai sitam aamada kafir door tak
بات کر کے نسبتِ صدیقؓ کی
لے گیا مجھ کو مقرِّر دور تک
Baat kar ke nisbat e Siddiqؓ ki
Le gaya mujh ko muqarar door tak
حبِّ شاہِؐ دیں کے صدقے مرحبا!
ساتھ دیتے ہیں معاصر دور تک
Hubb e Shah e ﷺ deen ke sadqay marhaba!
Saath dete hain muasir door tak
ڈھونڈنے کو نقشِ پائے مصطفیٰؐ
دیکھتا رہتا ہے سائر دور تک
Dhoondhne ko naqsh e paye Mustafa ﷺ
Dekhta rehta hai sair door tak
رات کو ہو کر سوارِ رخشِ خواب
سوئے طیبہ جائے طاہرؔ دور تک
Raat ko ho kar sawar e rakhsh e khawab
Sooye Taiba jaye Tahirؔ door tak
Share This Naat
Share with friends and family
سبز گنبد کے مناظر دور تک
پروفیسر محمد طاہر صدیقی