طیبہ جو یاد آیا ‘ آنسو ٹپک گئے ہیں
یہ آبگینے خود ہی اکثر چھلک گئے ہیں
Taybah jo yaad aaya ' aansu tapak gae hain
ye aabgine khud hi aksar chhalak gae hain
جس جس روش سے گزری سرکار کی سواری
گلشن تو پھر ہیں گلشن ‘ صحرا مہک گئے ہیں
jis jis rosh se guzri sarkar ki sawari
gulshan to phir hain gulshan ' sehra mehak gae hain
جس سمت اٹھ گئی ہیں رحمت مزاج نظریں
ماحول کے جبیں سے سجدے ٹپک گئے ہیں
jis simt uth gaai hain rehmat mizaaj nazrein
mahaul ke jabeen se sajde tapak gae hain
روضے پہ چشم تر نے عاصی کی شرم رکھ لی
پلکوں سے کچھ فسانے خود ہی ڈھلک گئے ہیں
roze pe chashm tar ne aasi ki sharam rakh li
palkon se kuch fasane khud hi dhalak gae hain
غربت میں ان کا دامن جب یاد آگیا ہے
فکرو نظر کی حد تک جادے چمک گئے ہیں
ghurbat mein un ka daaman jab yaad aaya hai
fikro nazar ki had tak jade chamak gae hain
فریاد اب تو سن لیں سرکار عاصیوں کی
آہیں بھی تھک گئی ہیں ‘ آنسو بھی تھک گئے ہیں
faryaad ab to sun lein sarkar aasion ki
aahen bhi thak gae hain ' aansu bhi thak gae hain
اے زائرِ مدینہ رستہ نہ بھول جانا
ان منزلوں میں اکثر تقوے بہک گئے ہیں
aye zair-e-madina rasta na bhool jaana
un manzilon mein aksar taqwe behak gae hain
اقبؔال صدق دل سے یہ نعت کس نے چھیڑی
بے نُور انجمن میں جلوے لپک گئے ہیں
Iqbal sadqe dil se ye naat kis ne chhedi
be-noor anjuman mein jalwe lapak gae hain
Share This Naat
Share with friends and family
طیبہ جو یاد آیا ‘ آنسو ٹپک گئے ہیں
پروفیسراقبال عظیم