پہن کے تاج سر اُتے امامت دا رسالت دا
ہے آیا آمنہ دی گود وچ اوہ نور وحدت دا
Pehn ke taj sar utay imamat da risalat da
Hai aya Amina di god vich oh noor-e-wahdat da
جبین واضحی تے بنھ کے یٰسین دا سہرا
خُوشا صلِ علىٰ اَج آگیا لاڑا شفاعت دا
Jabeen wazhi te banh ke ya-seen da sahra
Khusha salli 'ala aj aya lara-e-shafaat da
ایہ دُنیا کی خُدا خُود یار دی محفل سجاؤندا اے
جدوں دن آوندا اے کملی والے دی ولادت دا
Aye dunya ki Khuda khud yaar di mehfil sajonda ae
Jadon din avanda ae Kamli walay di viladat da
ناں گھبراؤ گُنہ گارو ، سیہ کارو، خطا کارو
اوہ ویکھو آگیا مکے دے وچ غمخوار اُمّت دا
Na ghabrao gunahgaaro, seyah kaaro, khata kaaro
Oh vekho aya Makay de vich ghamkhar ummat da
ہے کیہڑا ریس کر سکدا حلیمہ دے مقدر دی
جہدے اِجڑ چراوے مالک و مُختار جنّت دا
Hai kehra raees kar sakda Haleema de muqaddar di
Jehde ijad chravay Maalik-o-Mukhtar Jannat da
خُدا نے اَج اوہ دولت کر سپردِ آمنہ چھڈی
دو عالم چا نہ سکے بھار سی جیہڑی امانت دا
Khuda ne aj oh dolat kar supurd-e-Amina chadi
Do alam cha na sakay bhaar si jehri amanat da
کدی ناں پار ہندا پل صراتوں قافلہ ساڈا
سہارا جے ناں ملدا کملی والے دی قیادت دا
Kadi na paar honda pul siratoun qafla sada
Sahara je na milda Kamli walay di qiadat da
فرشتے چُمدے صائم اوہناں راہواں نوں آ آ کے
ہے جتھے تذکرہ ہندا ولادت باسعادت دا
Farishte chumday Saim ohna raahwan noon aa aa ke
Hai jithe tazkra honda viladat basaadat da
Share This Naat
Share with friends and family
پہن کے تاج سر اُتے امامت دا رسالت دا
علامہ صائم چشتی