جس کو کوئی آپ کے جیسا لگا
کچھ نہ پوچھو وہ مجھے کیسا لگا
Jis ko koi aap ke jesa laga
Kuch na poocho woh mujhe kaisa laga
جب سے ذکرِ مصطفٰی اچھا لگا
تب سے اچھا اپنا آئینہ لگا
Jab se zikar-e-Mustafa acha laga
Tab se acha apna aaina laga
واعظو! جنت تمہیں محبوب ہے
ہم کو وہ، جنت کو جو اچھا لگا
Waizo! Jannat tumhe mehboob hai
Hum ko woh, jannat ko jo acha laga
مشکلیں مشکل میں پڑتی جائیں گی
یارسول اللہ کا نعرہ لگا
Mushkilain mushkil mein padti jayen gi
Ya Rasool Allah ka naara laga
جب نظر اٹھی تھی روضے کی طرف
بس وہی اِک کام کا لمحہ لگا
Jab nazar uthi thi rozae ki taraf
Bas wohi ik kaam ka lamha laga
نقشِ نعلینِ محمد مصطفٰیﷺ
تاجِ شاہاں سے کہیں اونچا لگا
Naqsh-e-naalain-e-Muhammad Mustafaﷺ
Taaj-e-Shahan se kahin ooncha laga
چاہئیے گر چشمِ نم کو روشنی
خاکِ طیبہ کا وہاں سرمہ لگا
Chahiye gar chashm-e-nam ko roshni
Khaak-e-Tayiba ka wahan surma laga
ہم سمجھتے ہیں جسے رشکِ ارم
کچھ عناصر کو فقط طیبہ لگا
Hum samajhte hain jise rashk-e-Iram
Kuch anasir ko faqat Tayiba laga
تھا تبسم جالیوں کے روبرو
پھر سنبھلنے میں اسے عرصہ لگا
Tha tabassum jaliyon ke robaru
Phir sanbhalne mein usay arsa laga
Share This Naat
Share with friends and family
جس کو کوئی آپ کے جیسا لگا
حافظ محمد ابوبکر تبسمؔ