عارضِ شمس و قمر سے بھی ہیں انور ایڑیاں
عرش کی آنکھوں کے تارے ہیں وہ خوشتر ایڑیاں
Aariz-e-shams o qamar se bhi hain anwar eeriyan
Arsh ki aankhon ke taare hain woh khushtar eeriyan
جا بجا پرتو فگن ہیں آسماں پر ایڑیاں
دِن کو ہیں خورشید شب کو ماہ و اختر ایڑیاں
Ja baja partaw fagan hain aasmaan par eeriyan
Din ko hain khursheed, shab ko maah o akhtar eeriyan
نجمِ گَردوں تو نظر آتے ہیں چھوٹے اور وہ پاؤں
عرش پر پھر کیوں نہ ہوں محسوس لاغر ایڑیاں
Najm-e-gardoon to nazar aate hain chhotay aur woh paaon
Arsh par phir kyun na hon mehsoos laaghar eeriyan
دَب کے زیر پا نہ گنجایش سمانے کو رہی
بن گیا جلوہ کفِ پا کا اُبھر کر ایڑیاں
Dab ke zair-e-paa na gunjaish simaane ko rahi
Ban gaya jalwa kaf-e-paa ka ubhar kar eeriyan
اُن کا منگتا پاؤں سے ٹھکرا دے وہ دُنیا کا تاج
جس کی خاطر مر گئے مُنْعِم رگڑ کر ایڑیاں
Un ka mangta paaon se thukra de woh duniya ka taaj
Jis ki khaatir mar gaye mun’im ragad kar eeriyan
دو قمر، دو پنجۂ خور، دو ستارے، دس ہِلال
ان کے تلوے، پنجے، ناخن، پائے اطہر ایڑیاں
Do qamar, do panja-e-khur, do sitaare, das hilaal
Un ke talwe, panje, naakhun, paaye athar eeriyan
ہائے اس پتھر سے اس سینہ کی قسمت پھوڑیے
بے تکلف جس کے دل میں یوں کریں گھر ایڑیاں
Haaye is pathar se is seena ki qismat phooriye
Be-takalluf jis ke dil mein yun karein ghar eeriyan
تاجِ رُوح القدْس کے موتی جسے سجدہ کریں
رکھتی ہیں واللہ وہ پاکیزہ گوہر ایڑیاں
Taaj-e-Ruh-ul-Quds ke moti jise sajda karein
Rakhti hain wallah woh paakeeza gohar eeriyan
ایک ٹھوکر میں اُحد کا زلزلہ جاتا رہا
رکھتی ہیں کتنا وقار اللہ اکبر ایڑیاں
Ek thokar mein Uhud ka zalzala jaata raha
Rakhti hain kitna waqaar Allahu Akbar eeriyan
چرخ پر چڑھتے ہی چاندی میں سیاہی آ گئی
کر چکی ہیں بَدْر کو ٹکسال باہر ایڑیاں
Charkh par charhtay hi chaandi mein siyaahi aa gayi
Kar chuki hain Badr ko taksaal baahar eeriyan
اے رضاؔ طوفانِ محشر کے طَلاطُم سے نہ ڈر
شاد ہو! ہیں کشتیِ امّت کو لنگر ایڑیاں
Ae Raza toofan-e-mahshar ke talaatum se na dar
Shaad ho! hain kashti-e-ummat ko langar eeriyan
Share This Naat
Share with friends and family
عارضِ شمس و قمر سے بھی ہیں انور ایڑیاں
احمد رضا خان بریلوی