رفرفِ فکر نے فرشِ غزل سے عرشِ نعت پہ ہجرت کی
مالکِ حرف نے ہر مشکل میں حرف و سخن کی نصرت کی
rafraf-e-fikr ne farsh-e-ghazal se arsh-e-naat pe hijrat ki
malaik-e-harf ne har mushkil mein harf o sukhan ki nusrat ki
نظریں تھیں ہر اک منظر پر محوِ طواف مدینے میں
شہرِ معطر کے ہر موڑ پہ اک دنیا تھی حیرت کی
nazarain thin har ik manzar par mhw-e-tawaf madine mein
shehr-e-muattar ke har mod pe ik duniya thi hairat ki
گرچہ میں دشتِ ملتان کی بے قیمت سی مٹی ہوں
لیکن میری مدحِ نبی نے بے اندازہ شہرت کی
garche mein dasht-e-multan ki be qeemat si mitti hoon
lekin meri madh-e-nabi ne be andaza shohrat ki
فرطِ عقیدت میں پلکوں سے سجدے بہنے لگتے ہیں
خیمۂ دل میں ہوتی ہے جب مشک فشانی عترت کی
fart-e-aqeedat mein palkon se sajde behne lagte hain
khaimah-e-dil mein hoti hai jab mashk fishani itrat ki
جس آقا نے اپنے پیٹ پہ دو دو پتھر باندھے تھے
اس کے غلاموں نے دنیا میں بے حد عیش و عشرت کی
jis aaqa ne apne pait pe do do pattar bandhe the
us ke ghulamon ne duniya mein be hadd aish o ishrat ki
میرے ہی احباب کا چرچا ہوگا ہر اس محفل میں
نقدِ نعت کی جس محفل میں بات چلے گی ندرت کی
mere hi ahbab ka charcha hoga har us mehfil mein
naqd-e-naat ki jis mehfil mein baat chale gi nudrat ki
نعت کی صدقے میں دیدارِ آقا کا متمنی ہوں
جود و کرم ہو خواہش دل میں کوئی نہیں ہے اجرت کی
naat ki sadqe mein deedaar-e-aaqa ka mutamanni hoon
jood o karam ho khawahish dil mein koi nahi hai ujrat ki
کرتے ہیں پیغامِ محبت عام زمانے میں لیکن
ختمِ نبوت کے منکر سے ہم نے ٹوٹ کے نفرت کی
karte hain paigham-e-mohabbat aam zamanay mein lekin
khatm-e-nabuwwat ke munkir se hum ne toot ke nafrat ki
لطفِ حضوری نے اپنی آغوش میں لے کر شاد کیا
جب اشفاق نے نم آنکھوں سے ذکرِ نبی کی کثرت کی
lutf-e-huzoori ne apni aaghush mein le kar shaad kiya
jab ashfaq ne num aankhon se zikr-e-nabi ki kasrat ki
Share This Naat
Share with friends and family
رفرفِ فکر نے فرشِ غزل سے
اشفاق احمد غوری