ہر لمحہ خیالوں میں مدینے کی فضا ہے
جینے کا سہارا مِرے آقا کی ثنا ہے
Har lamha khayalon mein Madeene ki fizaa hai
Jeenay ka sahara mere aaqa kee sana hai
ہونٹوں پہ سجائی ہیں مناجات کی کلیاں
آنکھوں میں بسی گنبدِ خضرٰی کی ضیا ہے
Honton pe sajaai hain minaajaat ki kaliyaan
Aankhon mein basi gumbad-e-Khazra ki zia hai
مدحت میں جو بُنتی ہوں مَیں اشعار کی لڑیاں
سب کچھ یہ مِرے شاہِ دوعالم کی عطا ہے
Madhat mein jo bunti hoon main ash'ar ki ladiyaan
Sab kuch yeh mere Shaah-e-Do Aalam ki ata hai
پھیلی ہے گُلابوں کی مہک گوشۂ دل میں
سانسوں میں رواں ذکرِ نبی اور خدا ہے
Phaili hai gulaabon ki mehak goshah-e-dil mein
Saanson mein rawaan zikr-e-Nabi aur Khuda hai
کرتی ہوں میں پیش آپ کو صلوات کے تحفے
یہ کام رہے جاری مرے دل کی دعا ہے
Karti hoon mein paish aap ko salawaat ke tuhfe
Yeh kaam rahe jaari mere dil ki dua hai
بھر دیتے ہیں دامن کو حضور اپنے کرم سے
دینے پہ وہ قادر ہیں ، سخا اُن کی جُدا ہے
Bhar dete hain daaman ko Huzoor apne karam se
Dene pe woh qadir hain, sakha un ki juda hai
ہے نازؔ کی حسرت کہ ملے اِس کو وُہ رستہ
جس رستے پہ سرکار کا نقشِ کفِ پا ہے
Hai Naaz ki hasrat ke mile is ko woh rasta
Jis raste pe Sarkar ka naqsh-e-kaf-e-paa hai
Share This Naat
Share with friends and family
ہر لمحہ خیالوں میں مدینے کی فضا ہے
صفیہ ناز