حضور نے کُفر کے اندھیروں کو روشنی کا شعور بخشا
جہالتوں کے بتوں کو توڑا ہے ، آگہی کا شعور بخشا
Huzoor ne kufr ke andheron ko roshni ka shuoor bakhsha
Jahlaton ke buton ko tora hai, aagahi ka shuoor bakhsha
عبادتوں کا پتہ تھا کس کو، ریاضتوں کی خبر کسے تھی
خُدا کے بندوں کو آپ ہی نے تو بندگی کا شعور بخشا
Ibadaton ka pata tha kis ko, ryazaton ki khabar kise thi
Khuda ke bandon ko aap hi ne to bandagi ka shuoor bakhsha
وہ بیل بوٹوں پہ تھی یبوست ، چمن چمن تھے خزاں رسیدہ
تو صحنِ گُلشن کو پھر سے آقا ﷺ نے تازگی کا شعور بخشا
Wo bel boton pe thi yabust, chaman chaman the khizan rasida
To sa’n-e-gulshan ko phir se aqa ﷺ ne tazgi ka shuoor bakhsha
غذابھی سادہ ہے پیرہن بھی، حضور کی زندگی بھی سادہ
اگرچہ مختارِ دو جہاں ہیں پہ سادگی کا شعور بخشا
Ghaza bhi sada hai pairahan bhi, huzoor ki zindagi bhi sada
Agarche mukhtar-e-do jahan hain pe sadgi ka shuoor bakhsha
سہے ہیں ظُلم و ستم ہزاروں ، قدم میں اُن کے نہ آئی لغزش
وہ تیرے عاشق ہیں جن کو تُو نے ہے عاشقی کا شعوربخشا
Sahe hain zulm o sitam hazaron, qadam mein un ke na aayi laghzish
Wo tere aashiq hain jin ko tu ne hai aashiqi ka shuoor bakhsha
غرور و پندار کے وہ پیکر کہ جن کے لہجے میں تھی رعونت
اُنہیں بھی سرکارِ دو جہاں ﷺ نے ہی عاجزی کا شعور بخشا
Ghuroor o pindaar ke wo paikar ke jin ke lehje mein thi ra’unat
Unhein bhi surkar-e-do jahan ﷺ ne hi aajizi ka shuoor bakhsha
وہ کفر و الحاد کی سیاہی ، دلوں کو جس نے تھا مار ڈالا
اُنہیں بھی تُو نے جِلا کے آقا ﷺ ہے زندگی کا شعور بخشا
Wo kufr o ilhaad ki siyahi, dilon ko jis ne tha maar dala
Unhein bhi tu ne jila ke aqa ﷺ hai zindagi ka shuoor bakhsha
وہ اپنا لُقمہ بھی اُس کو دیتے جو در پہ آ کے صدا لگاتا
سو خالی داماں کو آپ ہی نے تونگری کا شعور بخشا
Wo apna luqma bhi us ko dete jo dar pe aa ke sada lagata
So khali daman ko aap hi ne tunagri ka shuoor bakhsha
حِرا کے اندر کئی دنوں تک ،بغیر اَکل و شَرَب کے رہ کر
تُمہی نے بندوں کو اپنے مولا سے عاشقی کا شعور بخشا
Hira ke andar kai dinon tak, baghair akl o sharab ke reh kar
Tumhi ne bandon ko apne Mola se aashiqi ka shuoor bakhsha
جو راستوں سے بھٹک گئے تھے،اُنہیں بھی ہادی بنایا تُو نے
بلا کے صحبت میں اپنی اُن کو بھی رہبری کا شعور بخشا
Jo raaston se bhatak gaye the, unhein bhi hadi banaya tu ne
Bula ke sohbat mein apni un ko bhi rehberi ka shuoor bakhsha
کہاں کہاں سے وہ در پہ آ کر ، جلیل دُکھڑے سنا رہے ہیں
شہ و گدا کو نبیٔ رحمت نے حاضری کا شعور بخشا
Kahan kahan se wo dar pe aa kar, jaleel dukhre suna rahe hain
Shah o gada ko Nabi-e-Rehmat ne hazri ka shuoor bakhsha
Share This Naat
Share with friends and family
حضور نے کُفر کے اندھیروں کو
حافظ عبدالجلیل