الفاظ نہیں ملتے سرکار کو کیا کہیے
جبریل سلامی دیں دربار کو کیا کہیے
Alfaaz nahi miltay sarkar ko kya kahiye
Jibreel salami dein darbar ko kya kahiye
اخلاقِ محمد کی کیا شان نرالی ہے
دشمن بھی پڑھیں کلمہ، کردار کو کیا کہیے
Ikhlaaq-e-Muhammad ki kya shaan nirali hai
Dushman bhi parhein kalma, kirdar ko kya kahiye
میثاقِ ازل میں جو اقرارِ بلیٰ ٹھہرا
جاری ہے وہ محشر تک اقرار کو کیا کہیے
Maisaq-e-azal mein jo iqrar-e-bala tha
Jaari hai woh mehshar tak iqrar ko kya kahiye
بس ایک پلک جھپکی معراج ہوئی پوری
اس صاحبِ رفعت کی رفتار کو کیا کہیے
Bas aik palk jhapki miraaj hui poori
Us sahib-e-rafat ki raftaar ko kya kahiye
تھی نطقِ محمد میں تاثیرِ کلام رب
فصحا بھی بنے گونگے گفتار کو کیا کہیے
Thi nutq-e-Muhammad mein taseer-e-kalaam rab
Fusaha bhi banay goongay guftaar ko kya kahiye
ایک ایک صحابی پر فردوس بھی نازاں ہے
صدیق و عمر عثماں کرّار کو کیا کہیے
Aik aik sahabi par firdous bhi nazan hai
Siddeeq o Umar Usman krar ko kya kahiye
اے طور تجھے شاید وہ بات نہ بھولی ہو
اصرار کو کیا کہیے، انکار کو کیا کہیے
Ae Toor tujhe shayad woh baat na bhooli ho
Israr ko kya kahiye, inkar ko kya kahiye
وہ غار کہ جس نے اک تاریخ بنائی ہے
اس غار کو کیا کہیے اس یار کو کیا کہیے
Woh ghaar ke jis ne ek tareekh banai hai
Us ghaar ko kya kahiye us yaar ko kya kahiye
نظمی تری نعتوں کا انداز نرالا ہے
مضمون انوکھے ہیں اشعار کو کیا کہیے
Nazmi teri nanton ka andaaz nirala hai
Mazmoon anokhay hain ash'aar ko kya kahiye
Share This Naat
Share with friends and family
الفاظ نہیں ملتے سرکار کو کیا کہیے
سید آل رسول حسنین میاں برکاتی نظمی