ہر رفعتِ دُنیا مری سرکارؐ پہ واری
ہر تاج ہے کونین کے سردار پہ واری
Har rif'at-e duniyaa mere Sarkaarؐ pe vaari
Har taaj hai konain ke Sardar pe vaari
دُنیا کی فصاحت ترے ہر لفظ پہ ـحیراں
ہر فکر تری خوبیِ گفتار پہ واری
Duniyaa ki fasahat tere har lafz pe -hairaan
Har fikr teri khoobi-e guftaar pe vaari
ہر حُسن کی دستار ہے نعلین پہ قُرباں
انوارِ دو عالم ترے رُخسار پہ واری
Har husn ki dastaar hai na'layn pe qurbaan
Anwaar-e do aalam tere rukhsaar pe vaari
ہر زخم کا مرہم ہے یہی اسمِ مبارک
میری سبھی خوشیاں مرے غمخوار پہ واری
Har zakhm ka marham hai yehi Ism-e Mubarak
Meri sabhi khushiyan mere ghamkhaar pe vaari
سب حور و ملائک بھی سبھی جن و بشر بھی
ہیں خالقِ کونین کے شہکار پہ واری
Sab hoor o malaa'ik bhi sabhi jin o bashar bhi
Hain khaliq-e konain ke shahkaar pe vaari
یہ شمس و قمر یہ شجر و حجر و کواکب
سب ندرتیں بھی عظمتِ دربار پہ واری
Ye shams o qamar ye shajar o hajr o kawaakib
Sab nudratein bhi azmat-e darbaar pe vaari
سب انبیاء بھی حشر میں نازاں ہیں تمہی پر
سب اُمتیں بھی اپنے طرفدار پہ واری
Sab anbiyaa bhi hashr mein naazaan hain tumhi par
Sab ummatain bhi apne tarafdaar pe vaari
جبریلؑ نے سدرہ پہ کہا سرورِ دیں سے
میں آپؐ کی پرواز کی رفتار پہ واری
Jibrailؑ ne Sidra pe kaha Sarwar-e deen se
Main aapؐ ki parwaaz ki raftaar pe vaari
تہذیب و تمدن کے یہ منشور و عنایات
اے محسنِ انساں ترے افکار پہ واری
Tehzeeb o tamaddun ke ye manshoor o inaayaat
Ae Mohsin-e insaan tere afkaar pe vaari
عشاق کے انداز نرالے ہیں کہ یہ لوگ
دیدار تو کیا حسرتِ دیدار پہ واری
Ishaaq ke andaaz nirale hain ke ye log
Deedaar to kya hasrat-e deedaar pe vaari
بوبکرؓ ہیں بوبکرؓ مصلے پہ مرے بعد
مومن ہیں حضورؐ آپکے اِصرار پہ واری
Bobakarؓ hain Bobakarؓ musalle pe mere baad
Momin hain Huzoorؐ aapke israar pe vaari
مجھ احقرِ اعظم کو عطا نعت ہوئی ہے
ہو کیوں نہ شکیلؔ احمدِ ﷺ مختار پہ واری
Mujh ahqar-e Azam ko 'ata naat hui hai
Ho kyon na Shakeelؔ Ahmadؐ Mukhtaar pe vaari
Share This Naat
Share with friends and family
ہر رفعتِ دُنیا مری سرکارؐ پہ واری
محمد شکیل نقشبندی