جلد ہم عازِمِ گلزارِ مدینہ ہوں گے
حاضِرِ دَرگہِ سردارِمدینہ ہوں گے
Jald hum azaim-e-gulzar-e-Madina honge
Hazir-e-dargah-e-Sardar-e-Madina honge
اب تو نورانی چمن زارِ مدینہ ہوں گے
سامنے اب مِرے کہسارِ مدینہ ہوں گے
Ab to noorani chaman zar-e-Madina honge
Samne ab mire kehsar-e-Madina honge
سبز گنبد کی وہاں خوب بہاریں ہوں گی
رُوبَرُو پھر مرے اَشجارِ مدینہ ہوں گے
Sabz gunbad ki wahan khoob baharein hon gi
Roubaru phir mere ashjaar-e-Madina honge
وَجد آجائے گا قسمت کو بھی اُس دم وَاللہ
سامنے جب مِرے سرکارِ مدینہ ہونگے
Wajd aa jaye ga qismat ko bhi us dam wallah
Samne jab mire Sarkar-e-Madina honge
اُن کی رحمت سے جو مل جائے بقیعِ غَرقَد
بِالیقیں قبر میں انوارِ مدینہ ہوں گے
Un ki rehmat se jo mil jaye baqee'a Ghufqad
Bil yageen qabr mein anwar-e-Madina honge
قافِلے کی یوں مدینے سے جُدائی ہوگی
مُضطَر و غمزدہ زَوّارِ مدینہ ہوں گے
Qafile ki youn Madine se judai ho gi
Muhtar o ghamzada zawar-e-Madina honge
نَزع میں قبر میں محشر میں وہ پائیں آرام
دارِ فانی میں جو بیمارِ مدینہ ہوں گے
Naza mein qabr mein mahshar mein wo payen aaram
Dar-e-fani mein jo bimaar-e-Madina honge
حشر سے کیوں ہو پریشان گنہگارو تم
اپنے حامی وہاں سرکارِ مدینہ ہوں گے
Hashar se kyon ho pareshaan gunehgaaro tum
Apne haami wahan Sarkar-e-Madina honge
اُن کو حاصل مِرے آقا کی شَفاعت ہوگی
جو کوئی حاضِرِ دربارِ مدینہ ہونگے
Un ko hasil mire aaqa ki shafaat ho gi
Jo koi hajir-e-darbaar-e-Madina honge
میری سرکار کا آئے گا بُلاوا اُن کو
جو کوئی دل سے طلب گارِ مدینہ ہوں گے
Meri Sarkar ka aaye ga bulawa unko
Jo koi dil se talabgar-e-Madina honge
نَزع میں عاشِقوں کی عید ہی ہو جائے گی
ان کے سِرہانے توسرکارِ مدینہ ہوں گے
Naza mein ashikon ki Eid hi ho jaye gi
Un ke sirhaane to Sarkar-e-Madina honge
حشر میں جائیں گے عطارؔ یُوں اِن شاءَ اللہ
اپنی داڑھی میں سجے خارِ مدینہ ہوں گے
Hashar mein jayen ge Attar yun In shaa Allah
Apni darhi mein saje khaar-e-Madina honge
Share This Naat
Share with friends and family
جلد ہم عازِمِ گلزارِ مدینہ ہوں گے
الیاس عطار قادری