عرب دے راہی عرب دی ٹھنڈی ہوا نوں میرا سلام آکھیں
کدی تے آوے پیام لے کے صبا نُوں میرا سلام آکھیں
Arab de raahi Arab di thandi hawa nu mera salaam aakhein
Kadi te aave payaam le ke saba nu mera salaam aakhein
در محمد تے سر جُھکا کے تے ساری حسرت دِلی مِٹا کے
درود پڑھدا رہویں تے نُور خُدا نُوں میرا سلام آکھیں
dar Muhammad te sar jhukaa ke te saari hasrat dili mita ke
Darood parhda rahwein te noor Khuda nu mera salaam aakhein
جاں ہو وے آقا دے در حضوری جاں ویکھیں روضے دے جلوے نوری
بہا کے اتھرو تُوں جنتاں دی فضا نوں میرا سلام آکھیں
Jaan ho we aaqa de dar huzoori jaan wekhein roza de jalwe noori
Baha ke athru tu jannataan di fiza nu mera salaam aakhein
تڑپ تڑپ کے مچل مچل کے قدم قدم تے سنبھل سنبھل کے
شہ دو عالم دے در دے ہر اک گدا نُوں میرا سلام آکھیں
Tarp tarp ke machal machal ke qadam qadam te sambhal sambhal ke
Shaah do aalam de dar de har ik gadaa nu mera salaam aakhein
توں جا کے جنت بقیع دے ولے نگاہواں رکھیں جھکا کے تھلے
تے میرے آقا دی بیٹی خَیرالنساء نُوں میرا سلام آکھیں
tuN ja ke jannat baqi de walle nigaahwan rakhein jhukaa ke thalle
te mere aaqa di beti Khair-un-Nisaa nu mera salaam aakhein
جو ویکھ چلیا ایں اکھیں ساری سُناویں صائم دی آه و زاری
خُدا دے ماہی تے میرے ماہِ لقا نُوں میرا سلام آکھیں
Jo wekh chalea ain aakhein saari sunaawain Sa-aim di aah o zaari
Khuda de maahi te mere maah-e-laqa nu mera salaam aakhein
Share This Naat
Share with friends and family
عرب دے راہی عرب دی ٹھنڈی ہوا نوں میرا سلام آکھیں
علامہ صائم چشتی