naat
اوہنوں جان کہواں یا جان دی وی اُس سوہنے نوں میں جان آکھاں
اوہنوں جان کہواں یا جان دی وی اُس سوہنے نوں میں جان آکھاں
جہیدی نعت خُدا پیا پڑھدا اے اہدی نعت دا کی عنوان آکھاں
Ohnun jan Kahaan ya jaan di wi us sohne nun main jaan aakhaan
Jehidi naat khuda piya parhda ae ehdi naat da ki unwan aakhaan
کیا نکتہ سوہنا دس دتا مینوں گولڑے والے ماہی نے
جس شان توں شاناں سب بنیاں اُس شان دی اوہنوں شان آکھاں
Kiya nukta sohna das ditta mainu golrhay walay mahi ne
Jis shan ton shanaan sab baniyan us shaan di ohnun shaan aakhaan
جو دیس قدس چوں آیا ابے جو سیراں کردا اے عرش دیاں
اوہنوں آکھاں واسو عرشاں دا یا عرشاں دا مہمان آکھاں
Jo dais Quds cho aaya abe jo siran karda ae Arsh diyaan
Ohnun aakhaan waso arshaan da ya arshan da mehman aakhaan
دونویں عالم اوسے دے فیضان دا صدقہ قائم نے
ہے شان اوہدی توں ایہہ تھلے جے دو جگ دا سلطان آکھاں
Donvey Aalum ose de faizaan da sadqa qaim ne
Hai shaan ohdi toon eh thalay je do jag da sultan aakhaan
ایہنوں اُس دی صُورت آکھ دیاں جو بے صُورت کہلاندا اے
جہیدا پتہ نشان نہ مل دا اے ایہنوں اُس دا پاک نشان آکھاں
Ehnun us di soorat aakhdiyan jo be soorat kehlan da ae
Jehda patta nishan na mil da ae ehnun us da pak nishan aakhaan
يُوحٰى تے يَدُ الله دے معنے مُرشد نے ایہہ سمجھائے نے
اوہدے ہتھ نوں رب دا ہتھ آکھاں اوہدی گل تائیں قرآن آکھاں
Yuhā te Yadu Allah de maane murshad ne eh samjhaaye ne
Ohde hath nun rab da hath aakhaan ohdi gal taaen Quran aakhaan
قرآن نے ایہو دسیا اے ایمان وی ایہو ہے میرا
محبوب دی اُلفت نوں صائم اسلام آکھاں ایمان آکھاں
Quran ne eho dasya ae imaan wi eho hai mera
Mehboob di ulfat nun Sa'im Islam aakhaan imaan aakhaan.
Share This Naat
Share with friends and family
اوہنوں جان کہواں یا جان دی وی اُس سوہنے نوں میں جان آکھاں
علامہ صائم چشتی