بن گئی بات میرے عالم تنہائی کی
ان کی یادوں نے میری خوب پذیرائی کی
Ban gai baat mere aalam-e-tanhai ki
Un ki yaadon ne meri khoob pazeerai ki
رکھ ہی لیتے ہیں بھرم مجھ سے گنہگاروں کا
نوبت آنے نہیں دیتے کبھی رسوائی کی
Rakh hi lete hain bharam mujh se gunahgaaron ka
Nobat aane nahi dete kabhi ruswai ki
خانہ دل میں کوئی غیر نہ آنے پائے
جان جاناں ہے یہ خواہش تیرے سودائی کی
Khana-e-dil mein koi gair na aane paye
Jaan-e-jaanan hai ye khwahish tere soodai ki
اک تیری یاد ہے میں ہوں شب تنہائی ہے
خیر ہو آقا میری انجمن آرائی کی
Ek teri yaad hai, main hoon, shab-e-tanhai hai
Khair ho aaqa meri anjuman aarai ki
لوگ دیتے ہیں مدینے کی دعائیں مجھ کو
کیسی قسمت ہے تیرے شہر کے شیدائی کی
Log dete hain Madine ki duaein mujh ko
Kaisi qismet hai tere sheher ke shedai ki
میں کہ بیمار محبت تھا مگر اے ہمدم
میرے محبوب نے ہر طور مسیحائی کی
Main keh bemaar-e-mohabbat tha magar ae humdam
Mere mehboob ne har tor masihai ki
بن کے ہمدرد تیرے درد چلے آتے ہیں
لاج رکھنے کو شہا تیری شناسائی کی
Ban ke humdard tere dard chale aate hain
Laaj rakhne ko shahaa teri shanasaai ki
صرف اور صرف تیرے در پہ ہی وہ جھکتا ہے
کتنی اچھی ہے یہ عادت تیرے سودائی کی
Sirf aur sirf tere dar pe hi woh jukta hai
Kitni acchi hai ye aadat tere soodai ki
اپنے قدموں کی اسے تھوڑی سی مٹی دے دی
بھیک مانگی جو کسی شخص نے بینائی کی
Apne qadamoun ki use thodi si mitti de di
Bheek maangi jo kisi shakhs ne benaai ki
ہاتھ پھیلائے نہیں غیر کے دروازے پر
عمر بھر میں نے نیازی یہی دانائی کی
Haath phelaae nahi gair ke darwaaze par
Umar bhar main ne Niazi yahi daanaai ki
Share This Naat
Share with friends and family
بن گئی بات میرے عالم تنہائی کی
عبدالستار نیازی