سراپا محبت سراپا عنایت کرم ہی کرم مصطفیٰ بن کے آئے
دو عالم کی رحمت دو عالم کی راحت دو عالم کے حاجت روا بن کے آئے
Sarapa mohabbat sarapa inayat karam hi karam Mustafa ban ke aaye
Do alam ki rehmat do alam ki rahat do alam ke haajat ravaa ban ke aaye
کرم بن کے آئے وفا بن کے آئے وہ منبع جو دو سخا بن کے آئے
سجائے ہوئے تاج طہ کا سر پر محمد حبیب خدا بن کر آئے
Karam ban ke aaye wafa ban ke aaye wo manba jo do sakha ban ke aaye
Sajaye hue taj taha ka sar par Muhammad habib Khuda ban kar aaye
سر لامکان پر ہے ان کی رسائی ، انہیں کا خدا ہے انہیں کی خدائی
وہ عرشوں کے احمد زمین کے محمد ﷺ زمانے کے مشکل کشا بن کے آئے
Sar la makaan par hai un ki rasai, unhi ka Khuda hai unhi ki Khudai
Wo arshon ke Ahmad zameen ke Muhammad ﷺ zamane ke mushkil kusha ban ke aaye
غریبوں کے والی فقیروں کے داتا رسالت کا گہنا شفاعت کے دولہا
لرزتے لبوں کی دعا بن کے آئے دھڑکتے دلوں کی صدا بن کے آئے
Gareebon ke wali faqeeron ke daata risalat ka gehna shafaat ke dulha
Larzte labon ki dua ban ke aaye dhadakte dilon ki sada ban ke aaye
سر حشر نادم ہوئیں جب خطائیں، چلیں مصطفیٰ کے کرم کی ہوائیں
خطا کار دیکھے جو فریاد کرتے محمد ﷺ شفیع الوری بن کے آئے
Sar hashr nadim huein jab khataen, chalain Mustafa ke karam ki hawaen
Khata kar dekhein jo faryaad karte Muhammad ﷺ shafi ul wara ban ke aaye
کبھی رنگ لائیں محبت کی باتیں ، مدینے کے دن ہوں مدینے کی راتیں
وہ وقت آئے جب کہ پیام مدینہ مرے درد دل کی دوا بن کے آئے
Kabhi rang layen mohabbat ki baatein, Madine ke din hon Madine ki raatein
Wo waqt aaye jab ke payam Madina mere dard dil ki dawa ban ke aaye
نیازی کو اک جام ایسا پلا دے یہیں بیٹھے بیٹھے مدینہ دکھا دے
ترے در کی عظمت کے قربان جاؤں جہاں تاجور بھی گدا بن کے آئے
Niazi ko ik jaam aisa pila de yahin baithe baithe Madina dikha de
Tere dar ki azmat ke qurban jaaon jahan tajwar bhi gada ban ke aaye
Share This Naat
Share with friends and family
سراپا محبت سراپا عنایت کرم ہی کرم مصطفیٰ بن کے آئے
عبدالستار نیازی