پَردہ با پَردہ نگاہوں سے اُٹھا آج کی رات
ایک انساں کے مقابل تھا خدا آج کی رات
parda ba parda nigahon se utha aaj ki raat
ek insaan ke muqabil tha khuda aaj ki raat
رہ گئے دُور بہت دُور فرشتے لیکن
عرش تک ساتھ گئی غارِ حرا آج کی رات
reh gaye door bohot door farishte lekin
arsh tak saath gayi ghaar-e-hiraa aaj ki raat
جس کو ممکن ہی سمجھتے تھے نہ دنیا والے
سب نے دیکھا وہ ہوا اور ہُوا آج کی رات
jis ko mumkin hi samajhte the na duniya waale
sab ne dekha woh hua aur huwa aaj ki raat
جگمگاتا تھا سُلگتے ہوئے لفظوں کا وجود
ایک اُڑتا ہوا شعلہ تھی دُعا آج کی رات
jagmagata tha sulagte hue lafzon ka wajood
ek urhta hua shola thi dua aaj ki raat
جوشِ رحمت میں سرِ عرش کوئی بول اُٹھا
ہم نے بخشی ہے زمانے کی خطا آج کی رات
josh-e-rehmat mein sar-e-arsh koi bol utha
hum ne bakhshi hai zamane ki khata aaj ki raat
Share This Naat
Share with friends and family
پَردہ با پَردہ نگاہوں سے اُٹھا آج کی رات
انجم نیازی