ہوں جو یادِ رُخِ پرنور میں مرغانِ قفس
چمک اُٹھے چہ یوسف کی طرح شانِ قفس
hon jo yaad-e rukh-e parnoor mein murghan-e qafas
chamak uthe cheh yusuf ki tarah shan-e qafas
کس بلا میں ہیں گرفتار اَسیرانِ قفس
کل تھے مہمانِ چمن آج ہیں مہمانِ قفس
kis bala mein hain girftar aseeran-e qafas
kal the mehman-e chaman aaj hain mehman-e qafas
حیف در چشم زَدن صحبتِ یار آخر ُشد
اب کہاں طیبہ وہی ہم وہی زِندانِ قفس
haif dar chashm zadan sohbat-e yar aakhir shud
ab kahan tayyaba wahi hum wahi zindan-e qafas
رُوئے گل سیر ندیدیم و بہار آخر شد
ہائے کیا قہر کیا اُلفتِ یارانِ قفس
rue gul ser nadideem o bahaar aakhir shud
hay kya qahr kya ulfat-e yaaran-e qafas
نوحہ گر کیوں نہ رہے مرغ خوش الحان چمن
باغ سے دَام ملا دَام سے زِندانِ قفس
noha gar kyun na rahe murgh khush alhan chaman
bagh se daam mila daam se zindan-e qafas
پائیں صحرائے مدینہ تو گلستاں مل جائے
ہند ہے ہم کو قفس ہم ہیں اَسیرانِ قفس
payen sehra-e madina to gulistan mil jaye
hind hai hum ko qafas hum hain aseeran-e qafas
زخمِ دِل پھول بنے آہ کی چلتی ہے نسیم
روز اَفزوں ہے بہارِ چمنستانِ قفس
zakhm-e dil phool bane aah ki chalti hai naseem
roz afzoon hai bahaar-e chamanistan-e qafas
قافلہ دیکھتے ہیں جب سوئے طیبہ جاتے
کیسی حسرت سے تڑپتے ہیں اَسیرانِ قفس
qafila dekhte hain jab sue tayyaba jate
kaisi hasrat se tarapte hain aseeran-e qafas
تھا چمن ہی ہمیں زِنداں کہ نہ تھا وہ گل تر
قید پر قید ہوا اور یہ زِندانِ قفس
tha chaman hi humein zindan ke na tha woh gul tar
qaid par qaid hua aur ye zindan-e qafas
دشت طیبہ میں ہمیں شکل وطن یاد آئی
بد نصیبی سے ہوا باغ میں اَرمانِ قفس
dasht tayyaba mein humein shakl watan yaad ayi
badnaseebi se hua bagh mein arman-e qafas
اب نہ آئیں گے اگر کھل گئی قسمت کی گرہ
اب گرہ باندھ لیا ہم نے یہ پیمانِ قفس
ab na aayen ge agar khul gayi qismat ki girah
ab girah bandh liya hum ne ye paiman-e qafas
ہند کو کون مدینہ سے پلٹنا چاہے
عیش گلزار بھلا دے جو نہ دورانِ قفس
hind ko kaun madina se palatna chahe
aish gulzar bhula de jo na dauran-e qafas
چہچہے کس گل خوبی کی ثنا میں ہیں حسنؔ
نکہت خلد سے مہکا ہے جو زِندانِ قفس
chehchhe kis gul khoobi ki sana mein hain hasan
nakhat khuld se mehka hai jo zindan-e qafas
Share This Naat
Share with friends and family
ہوں جو یادِ رُخِ پرنور میں مرغانِ قفس
حسن رضا خان