سبز گنبد کی فضاؤں کا سفر مانگتے ہیں
ہم کسی روز مدینے کی سحر مانگتے ہیں
Sabz gunbad ki fizaon ka safar maangte hain
Hum kisi roz madine ki sehr maangte hain
نعت بُنتے ہوئے آنکھوں میں گہر آ جائیں
اپنی مدحت سے دعاؤں میں اثر مانگتے ہیں
Naat bunte hue aankhon mein gehr aa jayein
Apni madhat se duaon mein asar maangte hain
ہر طرف مولا کے ہم نقشِ کفِ پا دیکھیں
جس پہ حسنین کا جلوہ ہو وہ در مانگتے ہیں
Har taraf Maula ke hum naqsh-e-kaf-e-pa dekhein
Jis pe Hasnain ka jalwa ho woh dar maangte hain
دوڑ کر اُن کے اشارے پہ شجر آ جاتے
اُن کو شاخوں میں چھپاتے وہ شجر مانگتے ہیں
Daur kar un ke ishare pe shajar aa jate
Unko shaakhon mein chhupate woh shajar maangte hain
اپنی قسمت میں بھی سرکار کی بستی لکھ دے
جس میں سرکار کا مسکن تھا وہ در مانگتے ہیں
Apni qismat mein bhi Sarkar ki basti likh de
Jis mein Sarkar ka maskan tha woh dar maangte hain
دنیا داروں سے پزیرائی کا لالچ کب ہے
اپنے آقا سے پزیرائی کا زر مانگتے ہیں
Dunya daron se pazeerai ka laalach kab hai
Apne Aaqa se pazeerai ka zar maangte hain
جب ارادہ ہو غزل کا تو رقم ہو مدحت
ایسا دلدار کی مدحت کا ہنر مانگتے ہیں
Jab irada ho ghazal ka to raqam ho madhat
Aisa dildar ki madhat ka hunar maangte hain
کب سے میلاد منانے کے لیے دنیا میں
جو بھی آکاش کی مانند ہو گھر مانگتے ہیں
Kab se milaad manane ke liye duniya mein
Jo bhi aakash ki manind ho ghar maangte hain
رب سے ناموسِ رسالت کے لیے ہم قائم
جس میں للکار کی جرات ہو جگر مانگتے ہیں
Rab se naamus-e-Risalat ke liye hum qaim
Jis mein lalkar ki jurat ho jigar maangte hain
Share This Naat
Share with friends and family
سبز گنبد کی فضاؤں کا سفر مانگتے ہیں
سید حب دار قائم