مدینے کے سارے مکیں محترم ہیں ‘ مدینے کا ایک ایک گھر محترم ہے
کفِ پائے آقاﷺ کی خوشبو ہے ان میں ‘ مدینے کی ہر رِہ گزر محترم ہے
Madine ke sare maki mohtaram hain ' Madine ka aik aik ghar mohtaram hai
Kaf-e-paaye Aaqa ﷺ ki khushboo hai in mein ' Madine ki har rih guzar mohtaram hai
وہ نگری ہے اُس شاہِ کون و مکاں کی ‘ فقیری کو جس نے امیری عطا کی
امیروں کبیروں پہ کیا منحصر ہے ‘ مدینے کا دریوزہ گر محترم ہے
Wo nagri hai us Shah-e-Kawn o Makaan ki ' Faqeeri ko jis ne Ameeri ata ki
Ameeron kabeeron pe kya munhasir hai ' Madine ka dariwaza gar mohtaram hai
وہ لوحِ جبیں ہے یقیناً مکرم‘ جھکی ہو کبھی جو حدودِ حرم میں
میسر ہوئی ہو جسے دیدِ طیبہ ‘ خدا کی قسم وہ نظر محترم ہے
Wo loh-e-jabeen hai yaqeenan mukarram' Jhuki ho kabhi jo hudood-e-Haram mein
Mayassir hui ho jise deed-e-Tayyiba ' Khuda ki qasam wo nazar mohtaram hai
اترتی ہے جو نورِ خضرا میں دُھل کر مدینے کی وہ شب سراپا تقدس
جو ہوتی ہے پیدا اذانِ سحر سے وہ طیبہ کی ٹھنڈی سحر محترم ہے
Utarti hai jo noor-e-Khazra mein dhul kar Madine ki wo shab sarapa taqadus
Jo hoti hai peda azaan-e-sehar se wo Tayyiba ki thandi sehar mohtaram hai
جو آتا ہو اس کو وضو کا سلیقہ‘ ندامت میں ڈوبے ہوئے آنسوؤ ں سے
تو سائل کا حرفِ دعا محترم ہے ‘ دُعا تو دُعا چشم تر محترم ہے
Jo aata ho us ko wazoo ka saleeqa' Nadamat mein doobay hue aansuon se
To sail ka harf-e-dua mohtaram hai ' Dua to dua chashm-e-tar mohtaram hai
وہ ارض مقدس فلک مرتبہ ہے ‘ وہ خاک قدم اب بھی خاک شفا ہے
مسافر کے رتبے کو کیا پوچھتے ہو ‘ مدینے کی گرد سفر محترم ہے
Wo arz-e-muqaddas falak martaba hai ' Wo khaak-e-qadam ab bhi khaak-e-shifa hai
Musafir ke rutbe ko kya pochhtay ho ' Madine ki gard-e-safar mohtaram hai
جہاں میرے آقاﷺ نے ڈالا تھا ڈیرا‘ دیارِ حرم سے مدینے پہنچ کر
اسے اپنے ہونٹوں سے چو ما ہے میں نے َ‘ وہ چھوٹا سا گھر کس قدر محترم ہے
Jahan mere Aaqa ﷺ ne dala tha dera' Dayar-e-haram se Madine pohanch kar
Use apne honton se chuma hai maine ' Wo chota sa ghar kis qadar mohtaram hai
تم اقبؔال قسمت کے کتنے دھنی ہو کہ آنکھوں کے احسان سے بھی بری ہو
تم اس شہر نور الہدیٰ میں کھڑے ہو جہاں زائر بے بصر محترم ہے
Tum Iqbal qismat ke kitne dhani ho ke aankhon ke ehsan se bhi bari ho
Tum is Shehre Noor-ul-Huda mein kharay ho jahan zaair be basar mohtaram hai
Share This Naat
Share with friends and family
مدینے کے سارے مکیں محترم ہیں
پروفیسراقبال عظیم