راہِ حق میں جو سرِ راہ مدینہ آیا
ایسا محسُوس ہوا عرش کا زینہ آیا
Raah-e-haq mein jo sar-e-raah Madinah aaya
Aisa mehsoos hua arsh ka zeena aaya
اتنی دُوری پہ بھی یہ قرب زہے میرے نصیب
بس تصّور ہی کیا تھا کہ مدینہ آیا
Itni doori pe bhi ye qurb zahe mere naseeb
Bas tasawwur hi kiya tha ke Madinah aaya
اک تمنا میں برستی رہیں پہروں آنکھیں
آپؐ کی یاد میں جب یاد مدینہ آیا
Ek tamanna mein barasti rahin pehron aankhein
Aapؐ ki yaad mein jab yaad Madinah aaya
آپؐ کے فکر و عمل کی یہ بلندی یہ مقام
دیکھنے والوں کو جینے کا قرینہ آیا
Aapؐ ke fikr o amal ki ye bulandi ye maqam
Dekhne walon ko jeene ka qareena aaya
خواب میں تو نظرآتا ہے مدینہ لیکن
آنکھ کھولُوں تو یہ دیکھوں کہ مدینہ آیا
Khawab mein to nazar aata hai Madinah lekin
Aankh kholun to ye dekhun ke Madinah aaya
جانے کِس سمت لئے جاتی ہے دُنیا ہم کو
راہ میں کعبہ ملا ہے نہ مدینہ آیا
Jane kis simt liye jati hai duniya hum ko
Raah mein Kaaba mila hai na Madinah aaya
ہم نے سیکھے تو ہیں ‘ برتے نہیں آدابِ سفر
اب گلہ کیا ہے جو طوفاں میں سفینہ آیا
Hum ne seekhe to hain, barte nahin adaab-e-safar
Ab gila kya hai jo toofan mein safeena aaya
Share This Naat
Share with friends and family
راہِ حق میں جو سرِ راہ مدینہ آیا
حنیف اسعدی