محمدؐ کی غلامی کر کے خود کو سرخرو کر لوں
ٹھہر اے دل میں پہلے اپنے اشکوں سے وضو کر لوں
Muhammad (S.A.W) ki ghulami kar ke khud ko surkhuru kar lun
Thehar aye dil main pehle apne ashkon se wuzu kar lun
کہیں سجدہ نہ کر بیٹھوں وفورِ شوق سے اُنؐ کو
میں پہلے دل کو سمجھالوں میں اس سے گفتگو کر لوں
Kahin sajda na kar baithun wafoor-e-shauq se un (S.A.W) ko
Main pehle dil ko samjhalun main is se guftagu kar lun
مقام ایسے بھی آتے ہیں کہ دل پر بس نہیں چلتا
میں اس حالت سے پہلے چاکِ دامن کو رفو کر لوں
Maqam aise bhi aate hain ke dil par bas nahi chalta
Main is haalat se pehle chaak-e-daman ko rafu kar lun
نبیؐ کا عشق ہے اس میں بہت محتاط رہنا ہے
میں خود کو آشنائے لذتِ لا ترفعو کر لوں
Nabi (S.A.W) ka ishq hai is main bohot mohtaat rehna hai
Main khud ko aashna-e-lazzat-e-la tarfa'u kar lun
صحابہ کی طرح سرکارؐ کی میں خاکِ پا چوموں
صحابہ جیسا کرتے تھے میں ویسا ہو بہو کر لوں
Sahaba ki tarah Sarkar (S.A.W) ki main khaak-e-pa chumun
Sahaba jesa karte the main wesa ho baho kar lun
مری بے تاب آنکھوں میں ابھی کچھ آنسو باقی ہیں
یہاں مرنے سے پہلے خالی یہ جام و سبو کر لوں
Meri betaab aankhon main abhi kuch aansu baaqi hain
Yahan marne se pehle khaali ye jaam o sabu kar lun
اُسے میں ڈھونڈنے جاؤں گا سارے آسمانوں میں
میں پہلے دل کی بستی میں تو اس کی جستجو کر لوں
Use main dhoondhne jaunga sare aasmanon main
Main pehle dil ki basti main to us ki justuju kar lun
یہ جاں تو آنی جانی ہے اسے کیا روکنا انجؔم
مگر میں روضہءِ اطہر کو پہلے روبرو کر لوں
Ye jaan to ani jani hai ise kya roknna Anjam
Magar main roza-e-athar ko pehle rubaru kar lun
Share This Naat
Share with friends and family
محمدؐ کی غلامی کر کے خود کو سرخرو کر لوں
انجم نیازی