جب سے ہمارے ہاتھوں میں دامانِ نعت ہے
ہم پر سدا عنایتِ جانانِ نعت ہے
Jab se hamaray hathon mein daaman-e-naat hai
Hum par sada inayat-e-jaan e naat hai
گلہائے عشقِ سرورِ عالم سے ہے سجا
بے مثل و بے نظیر گلستانِ نعت ہے
Gulha-e-ishq-e-Sarwar-e-Alam se hai saja
Be misl o be nazeer gulistan-e-naat hai
حمدِ خدا کی راہ تو آسان ہے بہت
چلیے سنبھل سنبھل کے یہ میدانِ نعت ہے
Hamd-e-Khuda ki raah to aasan hai bohat
Chaliye sanbhal sanbhal ke ye maidan-e-naat hai
شہرت کی شکل میں کبھی عزت کی شکل میں
ہم پر برس رہا ہے جو بارانِ نعت ہے
Shoharat ki shakal mein kabhi izzat ki shakal mein
Hum par baras raha hai jo baran-e-naat hai
ہر شعبۂِ حیات ہے ممنونِ مصطفےٰ
’’ہر شعبۂِ حیات میں امکانِ نعت ہے‘‘
Har shoba-e-hayat hai mamnoon-e-Mustafa
"Har shoba-e-hayat mein imkaan-e-naat hai"
عشقِ رسول اور شب و روزِ مصطفےٰ
ان سے بھرا ہوا ہی تو ہر خوانِ نعت ہے
Ishq-e-Rasool aur shab o roz-e-Mustafa
In se bhara hua hi to har khwan-e-naat hai
قرآن اور حدائقِ بخشش ہے سامنے
اپنے لئے تو بس یہی سامانِ نعت ہے
Quran aur Hadaiq-e-Bakhshish hai samne
Apne liye to bas yehi samaan-e-naat hai
اللہ کا دیا ہوا سب ہے، بجا مگر
جو کچھ ہمارے پاس ہے فیضانِ نعت ہے
Allah ka diya hua sab hai, baja magar
Jo kuch hamare paas hai faizaan-e-naat hai
رہ رہ کے پھر خیال میں آنے لگے حضور
چلیے شفیقؔ آج پھر امکانِ نعت ہے
Reh reh ke phir khayal mein aane lage Huzoor
Chaliye Shafeeq aaj phir imkaan-e-naat hai
Share This Naat
Share with friends and family
جب سے ہمارے ہاتھوں میں دامانِ نعت ہے
شفیق ؔ رائے پوری