نبی تے شام سویرے درود پڑھیا کر
غماں جے پائے نے گھیرے درود پڑھیا کر
Nabi te shaam soeray durood parhya kar
Ghama jaye paye ne gheeray durood parhya kar
درود پڑھیاں مصیبت توں جان چُھٹ جاندی
جے درد ہو گئے ودھیرے درود پڑھیا کر
Durood parhyan museebat toon jaan chutt jandi
Jay dard ho gaye vadheray durood parhya kar
درود پڑھدا اے اللہ وی اپنے سوہنے تے
نصیب سوں گئے جے تیرے درود پڑھیا کر
Durood parhda ae Allah vi apnay sohnay te
Naseeb son gaye jaye teray durood parhya kar
درود پڑھنا اسیراں نوں ہے رہا کر دا
جے قید کرنے ہنیرے درود پڑھیا کر
Durood parhna aseeran noon hai raha kar da
Jay qaed karan haneray durood parhya kar
درود خواناں تے کُھلدی اے راہ مدینے دی
جے پانے طیبہ چ پھیرے درود پڑھیا کر
Durood khwanaan te khuldi ae raah Madinay di
Jaye paanay Tayyaba ch pheray durood parhya kar
درود پڑھیاں خُدا دی جناب چوں ہو سن
کرم تیرے تے بتھیرے درود پڑھیا کر
Durood parhyan Khuda di janab cho ho san
Karam teray te bathearay durood parhya kar
درود پاک دے صدقے کرے گا رب صائم
کمال مرتبے تیرے درود پڑھیا کر
Durood Pak de sadqay kare ga Rab Saaim
Kamaal martabay teray durood parhya kar
Share This Naat
Share with friends and family
نبی تے شام سویرے درود پڑھیا کر
علامہ صائم چشتی