آئو ہم پیرویِ سیرتِ سرورؐ کر لیں
قطرہ ِ عشق کو اس طرح سمندر کر لیں
Aao hum pervi-e-seerat-e-Sarwarؐ kar lein
Qatra-e-ishq ko is tarah samandar kar lein
ظلمتِ دہر سے اپنی بھی رہائی ہوگی
وردِ جاں ہم بھی اگر اسمِ پیمبرؐ کر لیں
Zulmat-e-dehr se apni bhi rahaai hogi
Wird-e-jaa(n) hum bhi agar ism-e-Paighamberؐ kar lein
دل مہکتا رہے آقاؐ کی ثنا خوانی سے
ذہن کے چاروں طرف سایہِ دلبر کر لیں
Dil mehakta rahe Aaqaؐ ki sana khwani se
Zehen ke charon taraf saaya-e-dilbar kar lein
روح شاداب نہیں گر تو پریشاں کیوں ہو
ذکرِ سرکاـرِؐ دو عالم سے معطر کر لیں
Rooh shaadaab nahi(n) gar to pareshan kyun ho
Zikar-e-Sarkaarؐ do aalam se muattar kar lein
کبھی تبلیغ کو تاثیر نہیں مل سکتی
دل سے تعظیمِ نبیؐ گر نہ سخنور کر لیں
Kabhi tableegh ko taseer nahi mil sakti
Dil se ta'zeem-e-Nabiؐ gar na sakhanwar kar lein
خاکِ در چوم کے آنکھوں پہ لگا کر ہم بھی
اپنی تاریک خیالی کو منور کر لیں
Khaak-e-dar choom ke aankhon pe laga kar hum bhi
Apni tareek khayaali ko munawwar kar lein
حکمِ سرکارؐ پہ خم اپنی انائیں کر کے
عشق کو دامنِ تسلیم کے اندر کر لیں
Hukm-e-Sarkaarؐ pe kham apni anaaei(n) kar ke
Ishq ko daaman-e-tasleem ke andar kar lein
’’درِ سرکار ہے منزل‘‘ یہ سدا کہہ کے شکیلؔ
اپنے بچوں کو بھی اِس لطف کا خوگر کر لیں
"Dar-e-Sarkaar hai manzil" ye sada keh ke Shakeelؔ
Apne bachon ko bhi is lutf ka khogar kar lein
Share This Naat
Share with friends and family
آئو ہم پیرویِ سیرتِ سرورؐ کر لیں
محمد شکیل نقشبندی