عیاں ہے فیضِ کرم کا ظہور آنکھوں سے
لگایا میں نے جو نامِ حضورؐ آنکھوں سے
Ayaan hai faiz-e-karam ka zahoor aankhon se
Lagaya maine jo naam-e-Hazoorؐ aankhon se
مچل رہی ہے تمنائے دید سینے میں
اُبل رہا ہے محبت کا نور آنکھوں سے
Machal rahi hai tamannaye deed seene mein
Ubal raha hai muhabbat ka noor aankhon se
ملے گا عشق کی سرمستیوں کا سرچشمہ
حبیبِ پاکؐ کی اُلفت میں چُور آنکھوں سے
Mile ga ishq ki sarmastiyon ka sarchashma
Habeeb-e-Paakؐ ki ulfat mein choor aankhon se
نگاہِ یار مری ہر گھڑی محافظ ہے
خدا کرے نہ کبھی ان کی دُور آنکھوں سے
Nigaah-e-yaar meri har ghari muhafiz hai
Khuda kare na kabhi un ki door aankhon se
مئے طہُور کسی جام کی نہیں محتاج
لُٹا رہے ہیں وہ کیف و سرور آنکھوں سے
Me ta'huur kisi jaam ki nahi mohtaaj
Luta rahe hain woh kaif-o-suroor aankhon se
ظہوریؔ درد سے نا آشنا ہی دل رہتا
اگر نہ دید کا ملتا سرور آنکھوں سے
Zahoori dard se na aashna hi dil rehta
Agar na deed ka milta suroor aankhon se
Share This Naat
Share with friends and family
عیاں ہے فیضِ کرم کا ظہور آنکھوں سے
محمد علی ظہوری