پاک نظر ، پاکیزہ دل ، پاکیزہ نام
حُسن ، سراپا ، دِلکش و رعنا ، خوش اندام
Pak nazar, pakiza dil, pakiza naam
Husn, sarapa, dilkash o ranja, khush andam
پتلے ہونٹ ، گلاب کی جیسے پنکھڑیاں
خاموشی میں بھی لہجے کی پھُلجھڑیا ں
Patle hont, gulab ki jaise pankhriyan
Khamoshi mein bhi lehje ki phuljhariyan
جسم اکہرہ ، سینہ کشادہ رنگ سفید
آنکھوں کی گہرائی میں قدرت کے بھید
Jism akhara, seena kashada rang safaid
Aankhon ki gehraai mein qudrat ke bhed
موتیوں جیسے دانت ، چمکتی پیشانی
پائے مبارک ، نقشِ عروجِ انسانی
Motiyon jaise daant, chamakti peshani
Pay mubarak, naqsh-e urooj-e insani
سر کے بال طویل اور نیم گھنگھریالے
کالی رُتوں کو چمکیلا کرنے والے
Sar ke baal taweel aur neem ghunghriyale
Kaali ruton ko chamkeela karne wale
لمبی پلکیں اور سُرخی مائل رُخسار
گیتوں جیسی آہٹ نغمہ سی رفتار
Lambi palkein aur surkhi mael rukhsar
Geeton jaisi aahat naghma si raftaar
بھینی بھینی خوشیوں جیسا نرم مزاج
خاک نشیں ایسا ، کونّین پہ جس کا راج
Bhini bhini khushiyon jaisa naram mizaaj
Khaak nasheen aisa, konain pe jis ka raaj
تن کے اُوپر سادے سے سادہ جامہ
سر کے اُوپر روشنیوں کا عمامہ
Tan ke oopar saade se saada jama
Sar ke oopar roshniyon ka amaama
Share This Naat
Share with friends and family
پاک نظر ، پاکیزہ دل ، پاکیزہ نام
مظفر وارثی