مثالی ہر زمانے میں مرے آقا ! ترا جینا
ہمیں بھی اپنی سُنّت کے مُطابق تُو سِکھا جینا
Misali har zamane mein mere aaqa! tera jeena
Humein bhi apni sunnat ke mutabiq tu sikha jeena
کرم کر دے مرے آقا ! مدینے پھر بُلا ہم کو
کہ طیبہ سے جُدا ہو کر بڑا مُشکل ہُوا جینا
Karam kar de mere aaqa! Madine phir bula hum ko
Ke tayyiba se juda ho kar bara mushkil hua jeena
تڑپنے میں گُزرتے ہیں یہاں تو روز و شب اپنے
مدینے سے جو دُوری ہو توپھر جینا ہے کیا جینا
Tarapne mein guzarte hain yahan to roz o shab apne
Madine se jo doori ho to phir jeena hai kya jeena
کِسے آتا تھا جینے کا سلیقہ یا رسول اللہ !
سکھایا تیری سیرت نے زمانے کو شہا ! جینا
Kise aata tha jeene ka saleeqa ya Rasool Allah!
Sikhaya teri seerat ne zamane ko shaha! jeena
تری سُنّت پہ چل کر جو گُزارے زندگی اپنی
اُسی کو اہلِ دانش نے حقیقت میں کہا جینا
Teri sunnat pe chal kar jo guzare zindagi apni
Usi ko ahl-e-danish ne haqeeqat mein kaha jeena
تری نامُوس پر جس نےشہا ! دار و رسن چُوما
تو رُتبہ یہ شہادت کا ، ہمیشہ کا ہُوا جینا
Teri namoos par jis ne shaha! daar o rasan chooma
To rutba ye shahadat ka, hamesha ka hua jeena
وہ جیناجن کا مُردوں سےبھی لگتا تھا کہیں بد تر
ترے قدموں کے صدقے میں اُنہیں بھی آگیا جینا
Wo jeena jin ka murdon sebhi lagta tha kahin bad tar
Tere qadmon ke sadqe mein unhain bhi aagaya jeena
مدینے میں جو رہتے ہیں تو رشک آتا ہےقسمت پر
کہ طیبہ میں جلیل اُن کا مثالی ہو گیا جینا
Madine mein jo rehte hain to rashk aata hai qismat par
Ke tayyiba mein jaleel un ka misali ho gaya jeena
Share This Naat
Share with friends and family
مثالی ہر زمانے میں مرے آقا ! ترا جینا
حافظ عبدالجلیل