ہے کلامِ الہٰی میں شَمس و ضُحٰے ترے چہرۂ نور فزا کی قسم
قسمِ شبِ تار میں راز یہ تھا کہ حبیب کی زلفِ دوتا کی قسم
Hai kalaam-e Ilahi mein shams o zuhaa tere chehra-e noor-fizaa ki qasam
Qasam-e shab-e taar mein raaz yeh tha ke Habeeb ki zulf-e do-taa ki qasam
تِرے خُلْق کو حق نے عظیم کہا تِری خِلْق کو حق نے جمیل کیا
کوئی تجھ سا ہوا ہے نہ ہو گا شہا ترے خالقِ حُسن و ادا کی قسم
Tere khulq ko Haqq ne azeem kaha teri khalq ko Haqq ne jameel kiya
Koi tujh sa hua hai na ho ga shaha tere Khaaliq-e husn o adaa ki qasam
وہ خدا نے ہے مرتبہ تجھ کو دیا نہ کسِی کو ملے نہ کسی کو ملا
کہ کلامِ مجید نے کھائی شہا تِرے شہر و کلام و بقا کی قسم
Woh Khuda ne hai martaba tujh ko diya na kisi ko mile na kisi ko mila
Ke kalaam-e majeed ne khai shaha tere shehr o kalaam o baqaa ki qasam
ترا مسندِ ناز ہے عرشِ بریں تِرا محرم راز ہے ُروحِ امیں
تُو ہی سرورِ ہر دو جہاں ہے شہا تِرا مِثل نہیں ہے خدا کی قسم
Tera masnad-e naaz hai Arsh-e bareen tera mehrem-e raaz hai rooh-e ameen
Tu hi Sarwar-e har do jahan hai shaha tera misl nahi hai Khuda ki qasam
یہی عرض ہے خالقِ ارض و سما وہ رسول ہیں تیرے میں بندہ تِرا
مجھے ان کے جوار میں دے وہ جگہ کہ ہے خلد کو جس کی صفا کی قسم
Yahi arz hai Khaaliq-e arz o samaa woh Rasool hain tere, main banda tera
Mujhe un ke jawar mein de woh jagah ke hai khuld ko jis ki safa ki qasam
تُو ہی بندوں پہ کرتا ہے لطف و عطا ہے تجھی پہ بھروسا تجھی سے دعا
مجھے جلوۂ پاکِ رسول دِکھا تجھے اپنے ہی عِزّو عَلا کی قسم
Tu hi bandon pe karta hai lutf o ata hai tujhi pe bharosa tujhi se dua
Mujhe jalwa-e paak-e Rasool dikha tujhe apne hi izz o 'alaa ki qasam
مِرے گرچہ گناہ ہیں حد سے سِوا مگر ان سے امید ہے تجھ سے رجا
تُو رحیم ہے ان کا کرم ہے گوا وہ کریم ہیں تیری عطا کی قسم
Mere garchay gunaah hain had se siwaa magar un se umeed hai tujh se rajaa
Tu Raheem hai un ka karam hai gawaah woh Kareem hain teri ata ki qasam
یہی کہتی ہے بلبلِ باغِ جناں کہ رضاؔ کی طرح کوئی سِحر بَیاں
نہیں ہِند میں واصفِ شاہِ ہُدیٰ مجھے شوخیِ طبعِ رضاؔ کی قسم
Yahi kehti hai bulbul-e baagh-e jinaan ke Raza ki tarah koi sehr bayaan
Nahin Hind mein wasif-e Shaah-e Huda mujhe shokhi-e tab’a-e Raza ki qasam
Share This Naat
Share with friends and family
ہے کلامِ الہٰی میں شَمس و ضُحٰے
احمد رضا خان بریلوی