ایک عجیب کیفیت قلب و نظر کے ساتھ ہے
ذکر حبیبِؐ پاک کا دیدۂ تر کے ساتھ ہے
Ek ajeeb kefiyat-e-qalb o nazar ke sath hai
Zikr-e-Habibؐ-e-Pak ka deedaٔ tar ke sath hai
اُنؐ کی نوازشات سے سہل ہُوئی ہے زندگی
دستِ کرم قدم قدم دست نگر کے ساتھ ہے
Unؐ ki nawazishat se sahl hui hai zindagi
Dast-e-karam qadom qadom dast nagar ke sath hai
ان کی نگاہِ لُطف سے دُور ہوں دُور تر نہیں
روضۂ پاک ہر نفس میری نظر کے ساتھ ہے
Un ki nigah-e-lutf se door hoon door tar nahin
Rozaٔ Pak har nafas meri nazar ke sath hai
یاد سہارا بن گئی ، نام وسیلہ ہوگیا
میری زبان پر دُعا اپنے اثر کے ساتھ ہے
Yaad sahara ban gayi, naam waseela ho gaya
Meri zuban par dua apne asar ke sath hai
دُور سے تک رہا ہوں میں راہ روانِ شوق کو
میں تو نہیں میری نظر گردِ سفر کے ساتھ ہے
Door se tak raha hoon mai rah rawan-e-shauq ko
Mai to nahi meri nazar gird-e-safar ke sath hai
آپؐ کی ذاتِ پاک ہے وجہِ قیامِ کائنات
سلسلہ برگ و بار کا جیسے شجر کے ساتھ ہے
Aapؐ ki zat-e-Pak hai wajaٔ-e-qayam-e-kainat
Silsila barg o bar ka jaise shajar ke sath hai
عرضِ ہُنر کو بھی حنیفؔ میں نے کیا ہے عرضِ حال
نعت میں رنگِ شاعری خُونِ جگر کے ساتھ ہے
Arz-e-hunar ko bhi Hanifؔ maine kiya hai arz-e-hal
Naat mein rang-e-shayari khun-e-jigar ke sath hai
Share This Naat
Share with friends and family
ایک عجیب کیفیت قلب و نظر کے ساتھ ہے
حنیف اسعدی