دل نشیں ہیں ترے خال و خد یانبی
تو ہے محبوبِ ربِ احد یا نبی
Dil nasheen hain tere khaal o khad ya Nabi
Tu hai mehboob-e-Rabb-e-Ahad ya Nabi
لاڈلا تو ہے خلاقِ کونین کا
ناز اٹھاتا ہے تیرے صمد یا نبی
Laadla tu hai khallaq-e-kainat ka
Naaz uthata hai tere Samad ya Nabi
نکتہ بیں نکتہ داں نکتہ رس آپ ہیں
دنگ ہیں اہلِ عقل و خرد یا نبی
Nukta been nukta daan nukta ras aap hain
Dang hain ahl-e-aql o kharad ya Nabi
قبر میں، حشر میں اور میزان پر
آپ فرمائیے گا مدد یا نبی
Qabar mein, hashar mein aur maizan par
Aap farmaiye ga madad ya Nabi
مجھ خطا کار پر مجھ سیہ کار پر
تیرے اکرام ہیں بے عدد یا نبی
Mujh khata kar par mujh siyah kar par
Tere ikram hain be adad ya Nabi
حاضری کے لئے عرض پرداز ہوں
میری عرضی نہ ہو مسترد یا نبی
Hazri ke liye arz pardaaz hon
Meri arzi na ho mustarad ya Nabi
تیرے در کے غلاموں کی فہرست میں
مجھ سا عاصی بھی ہو نام زد یا نبی
Tere dar ke ghulamoon ki fehrist mein
Mujh sa aasi bhi ho naam zad ya Nabi
تیرا بندہ یہ اشفاقؔ احمد ترا
نعت کہتا رہے تا ابد یا نبی
Tera banda ye Ashfaq Ahmad tera
Naat kehta rahe ta abad ya Nabi
Share This Naat
Share with friends and family
دل نشیں ہیں ترے خال و خد یانبی
اشفاق احمد غوری