یادوں میں وہ شہرِ مدینہ منظر منظر آج بھی ہے
ایک زمانہ گذرا لیکن ، رُوح معطّر آج بھی ہے
Yaadon mein woh shehr-e-Madina manzar manzar aaj bhi hai
Ek zamana guzra lekin, rooh muattar aaj bhi hai
کوئی نظر خضریٰ سے اُٹھ کر اس کے چہرے پر نہ گئی
یہ احساسِ ندامت یارو چاند کے رُخ پر آج بھی ہے
Koi nazar Khizra se uth kar us ke chehre par na gayi
Ye ehsas-e-nadamat yaro chand ke rukh par aaj bhi hai
مدحِ نبی کی نغمہ سرائی حمد و ثنا کی گُل پاشی
کل بھی یہی تھا اپنا مقدر ، اپنا مقدر آج بھی ہے
Madh-e-Nabi ki naghama sarai hamd o sana ki gul pashi
Kal bhi yehi tha apna muqaddar, apna muqaddar aaj bhi hai
وہ دیدار کا موسم ، ساقی پیشِ نظر اور جام ِ دید
برسوں بیت گئے اس رُت کو ہاتھ میں ساغر آج بھی ہے
Woh deedaar ka mausam, saqi pesh-e-nazar aur jaam-e-deed
Barson beet gaye us rut ko haath mein saghar aaj bhi hai
بے سایہ تھی ذاتِ محمد اور اب ان کا ہی سایہ
انسانوں پر سایہ افگن رحمت بن کر آج بھی ہے
Be saaya thi zaat-e-Muhammad aur ab unka hi saaya
Insano par saaya afgan rehmat ban kar aaj bhi hai
عہدِ ادیبؔ اور مدحِ محمد کوئی آج کی بات نہیں
چودہ صدیوں سے یہ چرچا یونہی گھر گھر آج بھی ہے
Ehd-e-Adeeb aur madh-e-Muhammad koi aaj ki baat nahi
Chaudha sadiyon se ye charcha yuhin ghar ghar aaj bhi hai
Share This Naat
Share with friends and family
یادوں میں وہ شہرِ مدینہ
حضرت ادیب رائے پوری