سب توں وڈی شان والا آ گیا
اچے رتبے پان والا آ گیا
Sab ton vaddi shaan wala aa gaya
Uche rutbe paan wala aa gaya
عاصیو! سب شکر دے سجدے کرو
سب نوں سینے لان والا آ گیا
Aasio! sab shukar de sajde karo
Sab noon seenay laan wala aa gaya
جھگیاں دے وچ وی دیوے بل پئے
روشنی ورتان والا آ گیا
Jhuggiyan de vich vi deeve bal paye
Roshni vartaan wala aa gaya
بھار جنہاں دا کسے نہ چکیا
اونہاں دی پنڈ چان والا آ گیا
Bhaar jinhaan da kise na chakiya
Onhaan di pand chaan wala aa gaya
رج رج عیداں منایاں ساریاں
سبھناں دے غم کھان والا آ گیا
Raj raj eidaan manayiaan saariyaan
Sabhnaan de gham khaan wala aa gaya
سب نبیؐ معراج دی شب ویخدے
عرشاں اتے جان والا آ گیا
Sab Nabiؐ Miraaj di shab veekhde
Arshaan ute jaan wala aa gaya
کیوں ظہوریؔ حشر توں گبھرائیں توں
اوہ ترا بخشان والا آ گیا
Kyun Zahooriؔ hashar toon gabhraaen toon
Oh tera bakhshaan wala aa gaya
Share This Naat
Share with friends and family
سب توں وڈی شان والا آ گیا
محمد علی ظہوری