اس کے فکر و فن کو بخشے گا خدا اوجِ کمال
نعت گو جو واقعی ہے خوش عقیدہ خوش خصال
Us ke fikr o fan ko bakshe ga khuda ooj-e-kamaal
Naat go jo waqai hai khush aqeeda khush khisal
نورِ عشقِ مصطفیٰؐ سے فکر گر روشن نہیں
پھر تو راہِ مدحتِ سرور پہ چلنا ہے محال
Noor-e-ishq-e-Mustafa ﷺ se fikr gar roshan nahi
Phir to raahe madahat-e-Sarwar pe chalna hai mahaal
منزلِ عرفانِ حق کی راہ خود مل جائے گی
دل میں پیدا تو کرو عشقِ نبیؐ مثلِ بلال
Manzil-e-irfan-e-Haq ki raah khud mil jaegi
Dil mein paida to karo ishq-e-Nabi ﷺ misl-e-Bilal
شافعِ محشر ہیں آقاؐ اپنا یہ ایمان ہے
وہ منافق ہے جسے اس میں ہے شک و احتمال
Shafi'-e-mahshar hain Aaqa ﷺ apna ye imaan hai
Woh munafiq hai jise is mein hai shak o ehtimaal
شانِ آقاؐ میں اہانت کے ہوں جو بھی مرتکب
ایسے گستاخانِ سرور سے عبث ہے قیل و قال
Shaan-e-Aaqa ﷺ mein ehaanat ke hon jo bhi murtakib
Aise gustaakhaan-e-Sarwar se abath hai qeal o qaal
ہوشیار اے مومنو! ایماں کے رہزن چار سو
پھر رہے ہیں مومنوں جیسے بنا کر خد و خال
Hoshiyar aye momino! eemaan ke rehzan char so
Phir rahe hain mominon jaise bana kar khud o khaal
چاہتا ہے گر پیمبر کی غلامی کا شرف
اسوۂ سرکار میں حسنِ عمل سے خود کو ڈھال
Chahta hai gar paimber ki ghulami ka sharaf
Uswa-e-Sarkaar mein husn-e-amal se khud ko dhal
غازۂ حُبِ نبیؐ مل رُخ پہ پھر تاثیر دیکھ
رُک کے دیکھے گا زمانہ روئے انور کا جمال
Ghaaza-e-hub-e-Nabi ﷺ mil rukh pe phir taseer dekh
Rukh ke dekhe ga zamana roue anwar ka jamaal
دل میں جب باقی نہیں خوفِ خدا حُبِ نبیؐ
قومِ مسلم پر بھلا پھر کیوں نہ آئے گا زوال
Dil mein jab baaki nahi khauf-e-khuda hub-e-Nabi ﷺ
Qaum-e-Muslim par bhala phir kyu na aae ga zawal
زندگانی کاش گزرے کوچۂ سرکار میں
اور مجھ احسؔن کا ہوجائے مدینے میں وصال
Zindagani kaash guzre koocha-e-Sarkaar mein
Aur mujh Ahsan ka ho jae Madine mein visaال
Share This Naat
Share with friends and family
اس کے فکر و فن کو بخشے گا خدا اوجِ کمال
احسن اعظمی