لگا رہی ہے صدا یوں صبا مدینے میں
’’مرے حضور ہیں جلوہ نما مدینے میں‘‘
Laga rahi hai sada yuñ saba Madine mein
"Mere Huzoor hain jalwa numa Madine mein"
پرندہ بن کے تصور میں پر لگا کے اُڑا
وہاں پہ خضرٰی کو چوما ، اڑا مدینے میں
Parinda ban ke tasawwur mein par laga ke uḍa
Wahan pe Khizrā ko chuma, uḍa Madine mein
جو دل میں آئے وہ مانگو خدا سے خضریٰ پر
ہمیشہ ہوتی ہے رب کی عطا مدینے میں
Jo dil mein aaye wo mango Khuda se Khizrā par
Hamesha hoti hai Rab ki ata Madine mein
چلے ہو مانگنے، مانگو کرم شفاعت کا
قبول ہو گی تمہاری دعا مدینے میں
Chale ho maangne, maango karam shafaat ka
Qabool ho gi tumhari dua Madine mein
وہاں اترتی ہے الہام کی سدا رم جھم
تو پھر خدایا کرم کر بُلا مدینے میں
Wahan utarti hai Ilham ki sada ram jham
To phir Khudaya karam kar bula Madine mein
میں مدحتوں میں سحابِِ کرم کا طالب ہوں
عطا ہو مجھ کو ثنا کی گھٹا مدینے میں
Mein madhaton mein sahāb-e-karam ka taalib hoon
Ata ho mujh ko sana ki ghata Madine mein
اگر ستایا ہے ظلمت نے زندگی میں تمہیں
چلو وہاں پہ ملے گی ضیا مدینے میں
Agar sataya hai zulmat ne zindagi mein tumhein
Chalo wahan pe mile gi zia Madine mein
وہاں پہ جا کے ملاقات کی تمنا ہے
عجیب تر ہے گدائی ادا مدینے میں
Wahan pe ja ke mulaqat ki tamanna hai
Ajeeb tar hai gadayi ada Madine mein
مجھے کہا ہے یہ میرے شعور نے قائم
جلا نصیبوں کا تو بھی دیا مدینے میں
Mujhe kaha hai ye mere sha'oor ne Qaim
Jala nasibon ka to bhi diya Madine mein
Share This Naat
Share with friends and family
لگا رہی ہے صدا یوں صبا مدینے میں
سید حب دار قائم