ماه میلاد دی باراں تاریخ آج ، منگتیو دل دا ہر مدعا منگ لوؤ
قافلہ بن کے طیبہ دے ول چلئے، ایہہ وی رل کے عزیز و دُعا منگ لوؤ
Mah e Milad di baran tareekh aaj, mangtiyo dil da har mudda mang lo
Qafila ban ke Tayba de wal chaliye, eh vi ral ke azeez o duaa mang lo
اج نئیں سنگن دا بلکہ ہے منگن دا دن، نال خُوشیاں دے دامن نوں رنگن دا دن
کملی والے توں راہ خدا منگ لوؤ، رب دے کولوں در مصطفیٰ منگ لوؤ
Aj neen sanghan da balkay hai mangan da din, nal khushiyan de daman nu ranghan da din
Kamli walay toon raah Khuda mang lo, Rab de kolon dar Mustafa mang lo
شالہ کوئی وی ایتھے ناں سختی سہوے، مرض کوئی مریضاں نوں آج ناں رہوے
کملی والے دے کولوں دوا منگ لوؤ ، ربّ عالم دے کولوں شفا منگ لوؤ
Shala koi vi ethe na sakhti sahwe, marz koi mareezan nu aaj na rahwe
Kamli walay de kolon dawa mang lo, Rabb Alam de kolon shifa mang lo
آج اے سوہنے محمد دبے آؤن دا دن، آج اے خُوشیاں تے خُوشیاں مناؤن دا دن
جو وی لینان اے اللہ دے دربار چوں، کملی والے توں ہو کے فدا منگ لوؤ
Aaj ay sohne Muhammad dabe aoun da din, aaj ay khushiyan te khushiyan manoun da din
Jo vi liena ay Allah de darbar choon, Kamli walay toon ho ke fida mang lo
واسطہ پاکے سوہنے دے ہر یار دا، واسطہ پا کے سب آلِ اطہار دا
پہنچ جاوے مدینے جو اک پل دے وچ ، ایسی درواں چ ڈُبی صدا منگ لوؤ
Wasta pake sohne de har yaar da, wasta pa ke sab Aale At'har da
pahunch jave Madine jo ek pal de vich, aisi darwan ch dubi sada mang lo
منگ لوؤ صدقے آج شاہ لولاک دے، منگ لوؤ صدقے آج آمنہ پاک دے
رب توں صائم قبر دے ہنیرے دیوچہ، کملی والے دے رُخ دی ضیاء منگ لوؤ
Mang lo sadqe aaj Shah Lolak de, mang lo sadqe aaj Amina Pak de
Rab toon Saima qabr de hanere de vich, Kamli walay de rukh di zia mang lo
Share This Naat
Share with friends and family
ماه میلاد دی باراں تاریخ آج
علامہ صائم چشتی