آخری نبّوت کے ایک ایک لمحے میں
بے شمار ازل ملفوف اَن گنت ابد پنہاں
Aakhri Nabuwat ke aik aik lamhe mein
Bay shumar azal malfoof an ginit abad pinha
اے مُرادِ بزم کُن تیرے بابِ عالی پر
دست بستہ حاضر ہیں کیا حدوث کیا امکاں
Ae murad-e bazm-e kun tere bab-e aali par
Dast basta haazir hain kya hadas kya imkaan
طوفِ گنبدِ خضرا اِن کا مقصدِ تخلیق
کتنے گنبدِ گردوں صُبح و شام ہیں گرداں
Tof-e gumbad-e khizra in ka maqsad-e takhleeq
Kitne gumbad-e gardoon subah o shaam hain gardaan
اس مکان سے آگے لامکان جتنے ہیں
ہر جگہ چمکتا ہے تیرا چہرۂ تاباں
Is makaan se aagay laamakaan jitne hain
Har jagah chamakta hai tera chehra-e taabaan
اس زمان سے آگے لا زمان جتنے ہیں
سب کُروں کی صُورت ہیں تیرے وقت میں غلطاں
Is zamaane se aagay la zamaan jitne hain
Sab kuroun ki soorat hain tere waqt mein ghaltaan
کتنے چاند اور سُورج خاک پر بکھر جائیں
تیری ناز فرمائی جھاڑ دے اگر داماں
Kitne chaand aur sooraj khaak par bikhar jaayein
Teri naaz farmaayi jhaad day agar daamaan
بیکراں فضاؤں میں کہکشائیں لاکھوں ہیں
سب خراج ہے تیرا اے شہنشہِ دَوراں
Baikraan fazaon mein kahkashayen laakhon hain
Sab kharaaj hai tera ae shehenshah-e dauraan
عالمین جتنے ہیں تو ہے سب کا پیغمبر
ہر جگہ تری مسند، ہر طرف ترا فرماں
Aalamein jitne hain tu hai sab ka paighambar
Har jagah teri masnad, har taraf tera farmaan
تیری شرع ہے نافذ سب قرونِ ماضی پر
تیری تابعِ منشُور آنے والی سب صدیاں
Teri shara' hai naafiz sab qurun-e mazi par
Teri taabe-e manshoor anay wali sab sadiyaan
Share This Naat
Share with friends and family
آخری نبّوت کے ایک ایک لمحے میں
عاصی کرنالی