نظارے ہیں گو لاکھوں جہاں بھر کے نظر میں
ہے کیف مگر اور مدینے کے سفر میں
Nazaare hain go lakhon jahan bhar ke nazar mein
Hai kaif magar aur Madine ke safar mein
اے صاحبِؐ لولاک تری بھیک کی خاطر
بیٹھے ہیں شہنشاہ تری راہ گزر میں
Aye Sahib-e-Lolaaq teri bheek ki khaatir
Baithe hain shehnshaah teri raah guzr mein
اے گنبدِ خضریٰ تری انوار پہ قرباں
کچھ فرق نظر آتا نہیں شام و سحر میں
Aye gunbad-e-khizra teri anwaar pe qurbaan
Kuchh farq nazar aata nahin shaam o sehr mein
ہے جلوہ ء محبوبؐ کی یہ خاص نشانی
آتے ہیں نظر وہ تو کسی دیدہ تر میں
Hai jalwah-e-mahboob ki ye khaas nishani
Aate hain nazar woh to kisi deeda tr mein
دیکھا جو مدینے میں کہیں اور نہ دیکھا
جلووں کو سجائے گا بھلا کون نظر میں
Dekha jo Madine mein kahin aur na dekha
Jalwon ko sajaaye ga bhala kaun nazar mein
فردوس ِ نظر کیوں نہ بنیں وہ در و دیوار
سرکارؐ جو آ جائیں گنہگار کے گھر میں
Firdous-e-nazar kyun na banein woh dar o deewar
Sarkar jo aa jaayein gunahgaar ke ghar mein
طیبہ کے سوا دیکھوں نہ کچھ اور ظہوریؔ
انوارِ مدینہ ہیں مرے قلب و جگر میں
Taybah ke siwa dekhoon na kuch aur Zahoori
Anwaar-e-Madina hain mere qalb o jigr mein
Share This Naat
Share with friends and family
نظارے ہیں گو لاکھوں جہاں بھر کے نظر میں
محمد علی ظہوری