اُن کا تصور اور یہ رعنائیِ خیال
دل اور ذہن محوِ پذیرائیِ خیال
Un ka tasawwur aur yeh ra’nai-e-khayaal
Dil aur zehan mehve pazeerai-e-khayaal
مرکز ہوں اک وہی مِرے ذوق ِخیال کے
یکتا ہیں وہ، تو چاہیے یکتائیِ خیال
Markaz hoon aik wahi mere zeuq-e-khayaal ke
Yakta hain woh, to chahiye yaktai-e-khayaal
ممکن نہیں کہ وصف بیاں اُن کے ہوسکیں
محدود کس قدر ہے یہ پہنائیِ خیال
Mumkin nahi ke wasf bayan un ke ho sakain
Mehdood kis qadar hai yeh pehnai-e-khayaal
بے حرف و صورت بھی یہاں ممکن ہے التجا
کافی ہے عرضِ حال کو گویائیِ خیال
Be harf o soorat bhi yahaan mumkin hai iltija
Kaafi hai arz-e-haal ko goyai-e-khayaal
ہر ذرّہ بارگاہِ نبیؐ کا، چراغِ ذہن
خاکِ مدینہ، سُرمۂ بینائی ِخیال
Har zarra bargah-e-Nabi (SAW) ka chiraagh-e-zehan
Khaak-e-Madina, surma-e-beenai-e-khayaal
بے جان اپنی سوچ ہے، بے رُوح اپنا ذوق
درکار ہے ہمیں بھی مسیحائیِ خیال
Be jaan apni soch hai, be rooh apna zeuq
Darkar hai humein bhi Masihai-e-khayaal
مِلتی ہے صِرف اُن کی توجّہ کے نُور سے
تنہائیوں میں انجمن آرائیِ خیال
Milti hai sirf un ki tawajjo ke noor se
Tanhaiyon mein anjuman arai-e-khayaal
اُنؐ کے بغیر رنگ نہ ہو کائنات میں
ہے اُنؐ کے دَم سے زینت و زیبائیِ خیال
Un (SAW) ke baghair rang na ho kainat mein
Hai un (SAW) ke dam se zeenat o zebai-e-khayaal
اوروں کے در پہ جانے کا سوچُوں مَیں کیوں نصیرؔ
مجھ کو نہیں قبول یہ رُسوائیِ خیال
Auron ke dar pe jaane ka sochoon main kyon Naseer
Mujh ko nahi qubool yeh ruswai-e-khayaal
Share This Naat
Share with friends and family
اُن کا تصور اور یہ رعنائیِ خیال
سید نصیرالدیں نصیر