جانِ ایمان ہے الفتِ مصطفیٰؐ
رب کا فرمان ہے حرمتِ مصطفیٰؐ
Jaan-e-Imaan hai ulfat-e-Mustafaؐ
Rab ka farmaan hai hurmat-e-Mustafaؐ
ہوئی جابر کے گھر دعوتِ مصطفیٰؐ
ہر نوالے میں تھی برکتِ مصطفیٰؐ
Hui Jabar ke ghar dawat-e-Mustafaؐ
Har niwalay mein thi barkat-e-Mustafaؐ
پاک قرآن میں ان کا ہی ذکر ہے
جا بجا جا بجا مدحتِ مصطفیٰؐ
Paak Quran mein un ka hi zikar hai
Ja baja ja baja madht-e-Mustafaؐ
عرشِ اعظم کے اس پار جس کا گزر
لا مکاں تک رہی دعوتِ مصطفیٰؐ
Arsh-e-Azam ke us paar jis ka guzar
La makaan tak rahi dawat-e-Mustafaؐ
ان کی امت کو حاصل ہوئی برتری
خیرِ امت ہوئی امتِ مصطفیٰؐ
Un ki ummat ko hasil hui bartari
Khair-e-Ummat hui ummat-e-Mustafaؐ
انبیاء کو بھی اذنِ شفاعت نہیں
حق شفاعت کا ہے دولتِ مصطفیٰؐ
Anbiya ko bhi izn-e-shafaat nahi
Haq shafaat ka hai daulat-e-Mustafaؐ
نور سے ان کے آدم کو دم مل گیا
پائی کونین نے نعمتِ مصطفیٰؐ
Noor se un ke Aadam ko dam mil gaya
Pai kaunain ne naimat-e-Mustafaؐ
جن کی توہین کو کفر رب نے کہا
فرض عالم پہ ہے عظمتِ مصطفیٰؐ
Jin ki tauheen ko kufr Rab ne kaha
Farz aalam pe hai azmat-e-Mustafaؐ
نظمی کہتے رہو مصطفیٰؐ مصطفیٰؐ
ہوگی تم کو عطا قربتِ مصطفیٰؐ
Nazmi kehtay raho Mustafaؐ Mustafaؐ
Hogi tum ko ata qurbat-e-Mustafaؐ
Share This Naat
Share with friends and family
جانِ ایمان ہے الفتِ مصطفیٰؐ
سید آل رسول حسنین میاں برکاتی نظمی