تِرا ذرّہ مَہِ کامل ہے یا غوث
تِرا قطرہ یمِ سَائل ہے یا غوث
Tira zarrah mah-e kaamil hai yaa Ghaus
Tira qatrah yam-e sail hai yaa Ghaus
کوئی سالِک ہے یا واصِل ہے یا غوث
وہ کچھ بھی ہو تِرا سائل ہے یا غوث
Koi saalik hai yaa vaasil hai yaa Ghaus
Woh kuch bhi ho tira sail hai yaa Ghaus
قدِ بے سایہ ظِلِّ کِبرِیا ہے
تو اس بے سایہ ظِلّ کا ظِل ہے یا غوث
Qadd-e be saaya zill-e kibriya hai
Tu is be saaya zill ka zill hai yaa Ghaus
تِری جاگیر میں ہے شَرق تا غَرب
قَلمرو میں حَرم تا حِلّ ہے یا غوث
Tiri jagir mein hai sharq ta ghrub
Qalamro mein haram ta hill hai yaa Ghaus
دل عشق و رُخ حسن آئینہ ہیں
اور ان دونوں میں تیرا ظِلّہے یا غوث
Dil ishq o rukh husn aaeenah hain
Aur in donon mein tira zill hai yaa Ghaus
تِری شمع دِل آرا کی تَب و تاب
گُل و بلبل کی آب و گل ہے یا غوث
Tiri shama dil aara ki tab o taab
Gul o bulbul ki aab o gil hai yaa Ghaus
تِرا مجنوں تِرا صَحرا تِرا نَجد
تِری لیلیٰ تِرا مَحمِل ہے یا غوث
Tira majnu tira sahra tira najd
Tiri laila tira mahmil hai yaa Ghaus
یہ تیری چمپَئی رنگتِ حسینی
حَسن کے چاند صبحِ دل ہے یا غوث
Yeh tiri champei rangat-e husaini
Hasan ke chaand subah-e dil hai yaa Ghaus
گلستاں زار تیری پنکھڑی ہے
کلی سو خلد کا حاصل ہے یا غوث
Gulistan zaar tiri pankhuri hai
Kali so khald ka hasil hai yaa Ghaus
اُگال اس کا اُدھار اَبرار کا ہو
جسے تیرا اُلُش حاصل ہے یا غوث
Ugal is ka udhar abraar ka ho
Jise tira ulush hasil hai yaa Ghaus
اشارہ میں کیا جس نے قمر چاک
تو اس مَہ کا مَہِ کامل ہے یا غوث
Ishaara mein kya jis ne qamar chaak
To us mah ka mah-e kaamil hai yaa Ghaus
جسے عرشِ دوم کہتے ہیں اَفلاک
وہ تیری کرسیِ منزل ہے یا غوث
Jise arsh-e doyam kehte hain aflaak
Woh tiri kursi-e manzil hai yaa Ghaus
تو اپنے وقت کا صدّیقِ اکبر
غنی و حیدر و عادل ہے یا غوث
Tu apne waqt ka saddiq-e akbar
Ghani o Haider o aadil hai yaa Ghaus
ولی کیا مُرسَل آئیں خود حضور آئیں
وہ تیری وعظ کی محفل ہے یا غوث
Wali kya mursil aaen khud Huzoor aaen
Woh tiri waaz ki mehfil hai yaa Ghaus
جسے مانگے نہ پائیں جاہ والے
وہ بِن مانگے تجھے حاصل ہے یا غوث
Jise maange na paayen jaah wale
Woh bin maange tujhe hasil hai yaa Ghaus
فُیوضِ عالم اُمّی سے تجھ پر
عِیاں ماضی ومستَقبِل ہے یا غوث
Fuyuz-e aalam ummi se tujh par
Ayaan maazi o mustaqbil hai yaa Ghaus
جو قَرنوں سَیر میں عارف نہ پائیں
وہ تیری پہلی ہی منزل ہے یا غوث
Jo qarnon sair mein aarif na paayen
Woh tiri pehli hi manzil hai yaa Ghaus
مَلک مَشْغول ہیں اس کی ثنا میں
جو تیرا ذاکر و شاغل ہے یا غوث
Malak mashghool hain is ki sana mein
Jo tira zakir o shaaghil hai yaa Ghaus
نہ کیوں ہو تیری منزل عرشِ ثانی
کہ عرشِ حق تِری منزل ہے یا غوث
Na kyun ho tiri manzil arsh-e saani
Ke arsh-e Haq tiri manzil hai yaa Ghaus
وہیں سے اُبلے ہیں ساتوں سمندر
جو تیری نہر کا ساحل ہے یا غوث
Wahi se uble hain saaton samandar
Jo tiri nehr ka saahil hai yaa Ghaus
ملائک کے بشر کے جنّ کے حلقے
تری ضَو ماہِ ہر منزل ہے یا غوث
Malaik ke bashar ke jinn ke halqay
Tiri zaw mah-e har manzil hai yaa Ghaus
بخارا و عراق و چِشت و اَجْمیر
تری لَو شمعِ ہر محفل ہے یا غوث
Bukhara o Iraq o Chisht o Ajmer
Tiri low shama-e har mehfil hai yaa Ghaus
جو تیرا نام لے ذاکر ہے پیارے
تَصَوُّر جو کرے شاغِل ہے یا غوث
Jo tira naam le zaakir hai pyare
Tasawwur jo kare shaaghil hai yaa Ghaus
جو سر دے کر تِرا سودا خریدے
خدا دے عقل وہ عاقِل ہے یاغوث
Jo sar de kar tira sauda khareede
Khuda de aqal woh aqil hai yaa Ghaus
کہا تو نے کہ جو مانگو ملے گا
رضاؔ تجھ سے تِرا سائل ہے یا غوث
Kaha tu ne ke jo maango milega
Raza tujh se tira sail hai yaa Ghaus
Share This Naat
Share with friends and family
تِرا ذرّہ مَہِ کامل ہے یا غوث
احمد رضا خان بریلوی