کبھی نہ چھوڑے ہے تنہا خیالِ یار مجھے
خیال یار نے بخشا بڑا قرار مجھے
Kabhi na chorre hai tanha khayal-e-Yar mujhe
Khayal-e-Yar ne bakhsha bara qarar mujhe
میں یورشِ غم دنیا سے مر گیا ہوتا
تیرے کرم نے سنبھالا ہے بار بار مجھے
Main yorish-e-gham duniya se mar gaya hota
Tere karam ne sambhala hai baar baar mujhe
کبھی جو مست نگاہوں سے تو نے دیکھا تھا
چڑھا ہوا ہے ابھی تک وہی خمار مجھے
Kabhi jo mast nigahon se to ne dekha tha
Charha hua hai abhi tak wahi khumar mujhe
تیرے قدم کی میں نسبت سے سرفراز ہوا
تیرے ہی صدقے ملی عزت و وقار مجھے
Tere qadam ki main nisbat se sarfaraz hua
Tere hi sadqe mili izzat o waqar mujhe
ہیں اور دولتِ دنیا پر ناز ہے جن کو
ترا کرم ہے فقط وجہ افتخار مجھے
Hain aur dolat-e-duniya par naz hai jin ko
Tera karam hai faqat wajah-e-fakhar mujhe
وہ شخص دیکھ کے دل جس کو مسکراتا تھا
چلا گیا ہے کہاں کر کے سوگوار مجھے
Woh shakhs dekh ke dil jis ko muskurata tha
Chala gaya hai kahan kar ke sogwar mujhe
میں اس کی راہ میں آنکھیں بچھائے بیٹھا ہوں
جو دے گیا ہے ہمیشہ کا انتظار مجھے
Main is ki raah mein aankhein bichaye baitha hoon
Jo de gaya hai hamesha ka intezar mujhe
کبھی تو وجہ سکون بن گئیں تری یادیں
کبھی کیا تری یادوں نے بے قرار مجھے
Kabhi to wajah-e-sukoon ban gayi teri yaadein
Kabhi kya teri yaadon ne beqarar mujhe
یہ ہے غلامی آل بتول کا صدقہ
بڑے تپاک سے ملتے ہیں تاجدار مجھے
Yeh hai ghulami Aal-e-Batool ka sadqa
Bare tapaak se milte hain tajdar mujhe
ان آنسوؤں کو نیازی میں کس طرح روکوں
دل حزیں پہ نہیں کچھ بھی اختیار مجھے
In aansuon ko Niazi main kis tarah rokun
Dil-e-hazeen pe nahin kuch bhi ikhtiyar mujhe
Share This Naat
Share with friends and family
کبھی نہ چھوڑے ہے تنہا خیالِ یار مجھے
عبدالستار نیازی