عشق کے مول ہر اک سانس بکا ہے میرا
اُن کی تنہائی میں بازار لگا ہے میرا
Ishq ke mol har ik saans bika hai mera
Un ki tanhai mein bazaar laga hai mera
رنگ سب اُن کے ہیں تصویر سجی ہے میری
سب کمال اُن کا ہے اور نام ہوا ہے میرا
Rang sab un ke hain tasveer saji hai meri
Sab kamaal un ka hai aur naam hua hai mera
ماننے کو تو ہر اک قوم خدا کو مانے
جو محمدؐ کا خدا ٍہے وہ خدا ہے میرا
Maanne ko to har ik qaum khuda ko mane
Jo Muhammadؐ ka khuda hai wo khuda hai mera
نعت کے لفظ مہکتے ہیں گلابوں کی طرح
زندگی سوکھ چلی ذہن ہرا ہے میرا
Naat ke lafz mehak te hain gulaabon ki tarah
Zindagi sookh chali zehan hara hai mera
اُن کی دہلیز پہ اک پل جو رکھا سر میں نے
اور عزت ہوئی قد اور بڑھا ہے میرا
Un ki dehleez pe ik pal jo rakha sar main ne
Aur izzat hui qad aur barha hai mera
میرے ہر سانس کا خرچہ ہے محبت اُن کی
حکم سے اُن کے وظیفہ یہ لگا ہے میرا
Mere har saans ka kharcha hai mohabbat un ki
Hukum se un ke wazifa ye laga hai mera
اُس فرشتے کو محمدؐ کی ہدایت ہوگی
جس نے یہ نامہء اعمال لکھا ہے میرا
Us farishte ko Muhammadؐ ki hidayat hogi
Jis ne ye nama-e-aamaal likha hai mera
مچ گئی دھوم سرِ حشر مظفر میری
میرے سرکار نے جب نام لیا ہے میرا
Mach gayi dhoom sar-e-hashr Muzaffar meri
Mere Sarkar ne jab naam liya hai mera
Share This Naat
Share with friends and family
عشق کے مول ہر اک سانس بکا ہے میرا
مظفر وارثی