مدینہ شہر کی خوشبو ہوا سے مانگ لیتا ہوں
مہک سرکارِ عالمؐ کی حِرا سے مانگ لیتا ہوں
Madina shehar ki khushbu hawa se maang leta hoon
Mahak Sarkar-e-Aalam (SAW) ki Hira se maang leta hoon
مری جو بھی ضرورت ہو نبیؐ کا واسطہ دے کر
دُعا کرتا ہوں رو رو کر خدا سے مانگ لیتا ہوں
Meri jo bhi zarurat ho Nabi (SAW) ka waasta de kar
Dua karta hoon ro ro kar Khuda se maang leta hoon
تمازت دُھوپ میں جس دن توقع سے زیادہ ہو
گھنا سایہ مزمل کی رِدا سے مانگ لیتا ہوں
Tamazat dhoop mein jis din tawaqqo se zyada ho
Ghana saya Muzammil ki rida se maang leta hoon
اٹک جائے قلم میرا تو لفظوں کے حسیں پیکر
درودِ پاک پڑھ کر دلربا سے مانگ لیتا ہوں
Atak jaye qalam mera to lafzon ke haseen paikar
Durood-e-Pak parh kar dilruba se maang leta hoon
اَماوس جب اُترتی ہے مری آنکھوں کی چلمن پر
سحر کی روشنی صلِ علیٰ سے مانگ لیتا ہوں
Amawas jab utarti hai meri aankhon ki chilman par
Sehar ki roshni Sall-e-Ala se maang leta hoon
بہاریں وار دیتا ہوں مدینے کے تصور پر
گلابوں کے بدن بادِ صبا سے مانگ لیتا ہوں
Baharen waar deta hoon Madine ke tasawwur par
Gulabon ke badan baad-e-Saba se maang leta hoon
رُلاتی ہے مجھے اشفاقؔ جب دوری مدینے کی
حضوری کی اجازت مصطفیٰؐ سے مانگ لیتا ہوں
Rulati hai mujhe Ashfaque jab doori Madine ki
Huzoori ki ijaazat Mustafa (SAW) se maang leta hoon
Share This Naat
Share with friends and family
مدینہ شہر کی خوشبو ہوا سے مانگ لیتا ہوں
اشفاق احمد غوری