گزرے جس راہ سے وہ سیِّدِ والا ہو کر
رہ گئی ساری زَمیں عَنْبرِ سارا ہو کر
Guzray jis raah se woh sayyid-e-waala ho kar
Reh gayi saari zameen anbar-e-saara ho kar
رُخِ اَنور کی تجلی جو قمر نے دیکھی
رہ گیا بوسہ دہِ نقشِ کفِ پا ہو کر
Rukh-e-anwar ki tajalli jo qamar ne dekhi
Reh gaya bosa dah-e-naqsh-e-kaf-e-paa ho kar
وَائے محرومیِ قسمَت کہ میں پھر اب کی برس
رہ گیا ہمرہِ زَوّارِ مدینہ ہو کر
Waaye mehroomi-e-qismat keh main phir ab ki baras
Reh gaya hamrahi-e-zowwaar-e-madina ho kar
چمنِ طیبہ ہے وہ باغ کہ مُرغِ سِدرہ
برسوں چہکے ہیں جہاں بلبلِ شیدا ہو کر
Chaman-e-taiba hai woh bagh keh murgh-e-sidra
Barson chehkay hain jahan bulbul-e-sheida ho kar
صَرْصَرِ دَشتِ مَدینہ کا مگر آیا خیال
رَشکِ گلشن جو بنا غُنْچۂ دِل وا ہو کر
Sarsar-e-dasht-e-madina ka magar aaya khayaal
Rashk-e-gulshan jo bana ghuncha-e-dil waa ho kar
گوشِ شہ کہتے ہیں فریاد رَسی کو ہم ہیں
وَعدۂ چشم ہے بخشائیں گے گویا ہو کر
Gosh-e-sheh kehte hain faryaad-rasi ko hum hain
Wa’ada-e-chashm hai bakhsayenge goya ho kar
پائے شہ پر گِرے یارب تپشِ مہر سے جب
دلِ بے تاب اُڑے حشر میں پارا ہو کر
Paaye sheh par gire ya rab tapish-e-mehr se jab
Dil-e-baytaab urae hashr mein paara ho kar
ہے یہ امّید رضاؔ کو تِری رحمت سے شہا
نہ ہو زِندانیِ دوزخ تِرا بندہ ہو کر
Hai ye umeed Raza ko teri rehmat se sheha
Na ho zindani-e-dozakh tera banda ho kar
Share This Naat
Share with friends and family
گزرے جس راہ سے وہ سیِّدِ والا ہو کر
احمد رضا خان بریلوی