Mah e roshan bahar e aalam

ماہِ روشن بہارِ عالم ربیع الاوّل

maah-e roshan bahar-e alam Rabi-ul-Awwal bahar-e alam, woh maah-e roshan ki tabishon mein makan ki sari hi wus'toon mein zaman ki sari hi saaton mein kisi ke rukh ki jamal parwar tajalliyan hain ke bas rahi hain kisi ki zulfain ki khushbuein sad hazaar janib bikhar rahi hain kisi ke lehje ke sheereen anwar lamha lamha samaaton mein utar rahe hain isi liye to ye maah-e roshan bahar-e alam Rabi-ul-Awwal jahaan bhar mein mussaraton ka haseen unwan ban gaya hai wafoor-e ulfat, hujoom-e rahat ki ronaqon mein Rabi-ul-Awwal hazaar eidun ka tarjuman hai koi jo poochhe ke maah-e roshan, bahar-e alam ye kis sabab se nikhar gaya hai, sanwar gaya hai ke rang o khushbu ke behte dariya ki roshni mein naha gaya hai jawab mera faqat yehi hai ke is mahine ki saaton ne theher theher kar, machal machal kar khushi se apne basit daman mein ik sarapa-e husn o khoobi ki sab adao ko bhar liya hai ye is liye hai ke is mahine ke lahze lahze ne khud lapak kar apne pehlu mein ek mujassam jamal nikhat ke hanste honton ki bijliyoun ko samo liya hai wo jis ke anwar ke muqabil to chand tak bhi khajal hua hai wo jis ka chehra, zaban-e Quran mein wal-Doha hai wo jis ke gesu-e anbarin ko Khuda bhi wal-Lail keh raha hai wo jis ka husn-e azal jahan mein jamal o husn o kamal o khoobi ki intahaiyon ki inteha hai had-e imkan se bhi wara hai wo Mustafā hai, wo Mujtaba hai druud lakhon salaam us par salaam lakhon druud us par

بہارِ عالم، وہ ماہِ روشن کی تابشوں میں مکاں کی ساری ہی وسعتوں میں

zamane bhar ki halawaton ki mithas sari nichor lijiye jahan bhar ki baroodaton ki tamaam thandak bhi jod lijiye jo ho sake to falak ke taron ki, maah-e kaamil ki, mehr-e taaban ki roshni bhi zameen bhar ki farozan shamaon ki, shab charaghon ki sari lo bhi chamakte heeron ki, sab nageenon ki, motiyon ki kamal chhab bhi gulaab champa ki, yasmin ki, tamaam qisamon ki har mehak bhi hareer-o-dibao parnian ki mulaemat ki mulaemat mein samait lijiye phir in ki sari nafāston se, nazāfton se, latafton se jo koi naqsh-e jameel ubharay jo koi aks-e haseen chamke jo kainat-e jamal thehray wohi hai Ahmad wohi Muhammad druud lakhon salaam us par salaam lakhon druud us par

زماں کی ساری ہی ساعتوں میں کسی کے رُخ کی جمال پرور

wo husn-e batin wo husn-e zahir wo noor-e awwal wo noor-e aakhir wo rooh-e giti wo jaan-e alam "be saya o saiban-e alam" wo noor-e haq ka jaleel partaw hua na jab tak tha is jahan mein wo noor afshan wo jalwa aara to naamukammal tha dast-e qudrat ke shahkaroon ka sab nazara isi ki takte the raah shab bhar sitare aankhein jhapak jhapak kar, chamak chamak kar tamam kaliyan tamam ghanche bas ek us ke hi muntazir the ghataen uthti thein is ki khatir hawaen gati thein geet us ke isi ke aane ke shauq mein to zamana karwat badal raha tha zamin bhi is ke hi raaston mein bichi thi aankhein bicha rahi thi isi ki raahon mein chand sooraj bhi daurte the machal machal ke wo Sheeth o Nooh o Khaleel, Yusuf Kaleem o Eisa Maseeh saare Khuda ke jitne payam-bar the isi ke raste saja rahe the isi ke danka baj rahe the isi ki amad ki sab nawaiden, jahan bhar ko suna rahe the druud lakhon salaam us par salaam lakhon druud us par

تجلّیاں ہیں کہ بس رہی ہیں کسی کی زلفوں کی خوشبوئیں صد

hua jo us ka zuhur-e qudsi zamana jhooma, zameen jhoomi hawaen mehki, ghataen barsin, fazaen chamkin gulon pe rang-e shabaab aaya rosh rosh pe nikhaar aaya nigar-e fitrat ke zarre zarre ko noor-e fitrat ne jagmaga ya phir aise noor o suroor o rehmat ke jagmagon mein wo noor aaya ye us ke aane ka hi asar tha ke aag jalti hazaar barson ki bujh gayi thi wo qasr-e shaahan ke unche minara thartharae the gir gaye the ye us ke aane ki haibatain thin ke but bhi sajdon mein ja padhe the wo aisa durr-e yateem aaya ke us ne aakar sabhi yateemon ke sar pe shafqat ka haath rakh kar jahaan mein un ka sharf badhaya wo aisa hadi-e kareem aaya ke us ne aakar adavaton ke babool chun kar mohabbatoun ka chaman basaya wo aisa muhsin-e azeem aaya ke us ne aakar situm garon ke situm mitakar ata o bakhshish ke gul saja kar jamal-e insaan ko tazgi di wo aisa adil adil aaya ke us ne aakar barabari ke chalan sikha kar tameez-e khurdo kalaan mita kar wo bandagi ko urooj bakhsha ke khawjagi ko bhi rashk aaya wo aisa rehbar halim aaya ke us ne aakar munaafat ka, maghairat ka dilon se yak sar nishaan mitaya situm shaaron ko dein duaein to dushmanon par bhi rehmat kha kar, maaf kar ke gale lagaya wohi hai insaniyat ka muhsin wohi hai sab ka kareem aaqa azeem aaqa! kareem aaqa! rauf aaqa! raheem aaqa! druud lakhon salaam us par salaam lakhon druud us par

ہزار جانب بکھر رہی ہیں کسی کے لہجے کے شیریں انوار لمحہ لمحہ

machi hai duniya mein dhoom us ki bapa hai aalam mein jashn us ka hai farz har ek aadmi par ke is ke aane ki bahjatoon mein mussaraton ke, mohabbatoun ke, aqidaton ke wo geet gaaye ke saare aalam ko wajd aaye mujhe bhi maah-e Rabi-ul-Awwal basad baharan, basad mussarat bula raha hai, hansa raha hai mujhe bhi laazim hai mausam-e gul mein geet gaoon khushi manaoon main un baharon ko doon salaami qadam qadam par jabin jhukaoon main shukriye ke hazaaron sajdhe lata chuka hoon lata raha hoon main un baharon ka hamnawa hoon, main geet bahjat ke gaa raha hoon magar shiguft-e bahar mein bhi is ahad-e gul ke nikhar mein bhi mere jigar mein ik aag aisi dahak rahi hai jo meri jaan ko jala rahi hai main natawonon ke qafle mein bhi sab se peeche hoon paa shikasta main be nawawon ki anjuman mein bhi ek tooti hui sada hoon meri nadamat hi mere dil ko lahu ke aansu rula rahi hai mujhe nadamat hai mere rehbar mere paimbar main ji raha hoon magar jahaan mein arz-e Kashmir o Bosnia mein haseen bachay, jameel boodhe, jawan rana, afif behnain, nazeef mainain dareeda kaliyan, bareeda ghanche, lahu mein doobi badan qabain mujhe pulayın mere paimbar ae mere rehbar mujhe nadamat hai zindagi par ke main ji raha hoon

سماعتوں میں اُتر رہے ہیں اسی لیے تو

sabza zaaron ki sarzamin par gullon ke is farsh-e makhmalin par hazaaron lakhon gulaab chehre wo tere deen ki kitaab chehre wo jurratoon ka nisaab chehre tujhi se nisbat ke jurm mein wo kate padhe hain khaak o khoon mein atte padhe hain situmgaron ke nagar mein jaise sharf o izz o namoos kho kar waraq waraq wo dareeda ho kar bikhar gaye hain Rabi-ul-Awwal bahar-e alam ki gul raton mein teri mohabbat ke naqsh ban kar lahu naha kar nikhar gaye hain mere paimbar! ae mere rehbar! mujhe nadamat hai zindagi par ke main ji raha hoon

یہ ماہِ روشن بہارِ عالم ربیع الاوّل

azeem aaqa! kareem aaqa! rauf aaqa! raheem aaqa! teri mohabbat mein gham ke mare dushmanon mein ghire hue hain wo janain apni gawa rahe hain wo gardanein bhi kata rahe hain labon pe un ke hain chup ke talaay dilon se uthte hain phir bhi naalay ab un ki aankhen gada ke kashkol ban ke charon taraf lagi hain koi nahin hai jo aage aaye un ke dard o alam mitaye azeem aaqa! kareem aaqa! rauf aaqa! raheem aaqa! Rabi-ul-Awwal ki in baharon ko ik zara sa ishara deeje hukm keeje ke arz-e Kashmir o Bosnia par koi karam ki ghata uthaye kaheen se koi dilair qasim kaheen se koi shajeea Khalid kaheen se koi Farooq aaye, jo un ke dard o alam mitaye mere paimbar! ae mere rehbar! mujhe nadamat hai zindagi par ke main ji raha hoon

جہان بھر میں مسرّتوں کا حسین عنوان بن گیا ہے

azeem aaqa! kareem aaqa! rauf aaqa! raheem aaqa! tere faqiron ki khair aaqa! tere gadaon ki khair aaqa! jo dab rahi hain jo bujh rahi hain ab un sadaon ki khair aaqa! teri namazon ki khair aaqa! teri azanon ki khair aaqa! jo mit rahe hain simat rahe hain ab un taranon ki khair aaqa! shaheed-e karb o bala ka sadqa Hunain o Badr o Uhud ke sare wafa shaaron ki jaan sipari wafa ka sadqa ab arz-e Kashmir o Bosnia se situm ki gehray ye raat bite yun jabar toote yun kufr bhaage ke ahl-e haq ki sipah jeete kareem aaqa! azeem aaqa! rauf aaqa! raheem aaqa! Rabi-ul-Awwal ke zinda lahzon ko hukm deeje ke arz-e Kashmir o Bosnia par nayi raton mein naye phaban se nayi dhanak se naye mehak se rosh rosh par bahar barasē Rabi-ul-Awwal karam ki barkha rahmaton ki phuwar barse kareem aaqa! azeem aaqa! rauf aaqa! raheem aaqa druud tuj par salaam aaqa! salaam tuj par druud aaqa

وفُورِ الفت ، ھجومِ راحت کی رونقوں میں ربیع الاوّل

ہزار عیدوں کا ترجماں ہے کوئی جو پوچھے کہ ماہِ روشن ، بہارِ عالم

یہ کس سبب سے نکھر گیا ہے، سنور گیا ہے کہ رنگ و خوشبو کے بہتے دریا کی روشنی میں نہا گیا ہے

جواب میرا فقط یہی ہے کہ اس مہینے کی ساعتوں نے ٹھہر ٹھہر کر، مچل مچل کر

خوشی سے اپنے بسیط داماں میں اک سراپا ئے حسن و خوبی کی سب اداؤں کو بھر لیا ہے یہ اس لیے ہے

کہ اس مہینے کے لحظے لحظے نے خود لپک کر اپنے پہلو میں

اک مجسّم جمال نکہت کے ہنستے ہونٹوں کی بجلیوں کو سمو لیا ہے

وہ جس کے انوار کے مقابل تو چاند تک بھی خجل ہوا ہے وہ جس کا چہرہ، زبانِ قرآں میں والضُّحیٰ ہے

وہ جس کے گیسوئے عنبریں کو خدا بھی والّیل کہہ رہا ہے

وہ جس کا حسنِ ازل جہاں میں جمال و حسن و کمال و خوبی کی انتہاؤں کی انتہا ہے

حدِّ امکاں سے بھی ورٰی ہے وہ مصطفٰی ہے، وہ مجتبیٰ ہے

درود لاکھوں سلام اس پر سلام لاکھوں درود اس پر

زمانے بھر کی حلاوتوں کی مٹھاس ساری نچوڑ لیجے جہان بھر کی برودتوں کی تمام ٹھنڈک بھی جوڑ لیجے

جو ہو سکے تو فلک کے تاروں کی، ماہِ کامل کی ، مہرِ تاباں کی روشنی بھی

زمین بھر کی فروزاں شمعوں کی، شب چراغوں کی ساری لَو بھی چمکتے ہیروں کی، سب نگینوں کی، موتیوں کی کمال چھب بھی

گلاب چمپا کی ، یاسمن کی ، تمام قسموں کی ہر مہک بھی حریرودیباو پرنیاں کی ملائمت کی ملائمت میں سمیٹ لیجے

پھر ان کی ساری نفاستوں سے، نظافتوں سے، لطافتوں سے

جو کوئی نقشِ جمیل ابھرے جو کوئی عکسِ حسین چمکے

جو کائناتِ جمال ٹھہرے وہی ہے احمد وہی محمّد

درود لاکھوں سلام اس پر سلام لاکھوں درود اس پر

وہ حسنِ باطن وہ حسنِِ ظاہر وہ نُورِ اوّل وہ نُورِ آخر

وہ روحِ گیتی وہ جانِ عالم

’’ بے سایہ و سائبانِ عالم‘‘ وہ نُورِ حق کا جلیل پرتو

ہوا نہ جب تک تھا اس جہاں میں وہ نور افشاں وہ جلوہ آرا تو نامکمل تھا دستِ قدرت کے شاہکاروں کا سب نظارا

اسی کی تکتے تھے راہ شب بھر ستارے آنکھیں جھپک جھپک کر، چمک چمک کر

تمام کلیاں تمام غنچے بس ایک اس کے ہی منتظر تھے

گھٹائیں اُٹھتی تھیں اس کی خاطر ہوائیں گاتی تھیں گیت اس کے

اسی کے آنے کے شوق میں تو زمانہ کروٹ بدل رہا تھا زمیں بھی اس کے ہی راستوں میں بچھی تھی آنکھیں بچھا رہی تھی

اسی کی راہوں میں چاند سورج بھی دوڑتے تھے مچل مچل کے وہ شیث و نوح و خلیل ، یوسف

کلیم و عیسیٰ مسیح سارے خدا کے جتنے پیامبر تھے

اسی کے رستے سجا رہے تھے اسی کے ڈنکے بجا رہے تھے

اسی کی آمد کی سب نویدیں ،جہان بھر کو سنا رہے تھے درود لاکھوں سلام اس پر

سلام لاکھوں درود اس پر ہوا جو اس کا ظہورِ قدسی

زمانہ جھوما، زمین جھومی ہوائیں مہکیں ، گھٹائیں برسیں، فضائیں چمکیں

گلوں پہ رنگِ شباب آیا روش روش پہ نکھار آیا

نگارِ فطرت کے ذرّے ذرّے کو نُورِ فطرت نے جگمگایا پھر ایسے نُور و سرور و رحمت کے جگمگوں میں وہ نُور آیا

یہ اس کے آنے کا ہی اثر تھا کہ آگ جلتی ہزار برسوں کی بجھ گئی تھی

وہ قصرِ شاہاں کے اونچے مینار تھر تھرائے تھے گر گئے تھے یہ اس کے آنے کی ھیبتیں تھیں

کہ بُت بھی سجدوں میں جا پڑے تھے وہ ایسا دُرِّ یتیم آیا

کہ اس نے آکر سبھی یتیموں کے سر پہ شفقت کا ہاتھ رکھ کر

جہاں میں ان کا شرف بڑھایا وہ ایسا ہادی کریم آیا

کہ اس نے آکر عداوتوں کے ببول چُن کر

محبّتوں کا چمن بسایا وہ ایسا محسن عظیم آیا

کہ اس نے آکر ستم گروں کے ستم مٹا کر

عطا و بخشش کے گُل سجا کر جمالِ انساں کو تازگی دی

وہ ایسا عادل عدیل آیا کہ اس نے آکر

برابری کے چلن سکھا کر تمیزِ خوردو کلاں مٹا کر

وہ بندگی کو عروج بخشا کہ خواجگی کو بھی رشک آیا

وہ ایسا رہبر حلیم آیا کہ اس نے آکر

منافقت کا ، مغائرت کا دلوں سے یکسر نشاں مٹایا

ستم شعاروں کو دیں دعائیں تو دشمنوں پر بھی رحم کھا کر،معاف کر کے گلے لگایا

وہی ہے انسانیت کا محسن وہی ہے سب کا کریم آقا

عظیم آقا! کریم آقا! رؤف آقا! رحیم آقا!

درود لاکھوں سلام اس پر سلام لاکھوں درود اس پر

مچی ہے دنیا میں دھوم اس کی بپا ہے عالم میں جشن اس کا

ہے فرض ہر ایک آدمی پر کہ اس کے آنے کی بہجتوں میں

مسرّتوں کے، محبتوں کے، عقیدتوں کے وہ گیت گائے کہ سارے عالم کو وجد آئے

مجھے بھی ماہِ ربیع الاوّل بصد بہاراں، بصد مسرّت

بلا رہا ہے، ہنسا رہا ہے مجھے بھی لازم ہے موسمِ گل میں گیت گاؤں

خوشی مناؤں میں ان بہاروں کو دوں سلامی

قدم قدم پر جبیں جھکاؤں میں شکریے کے ہزاروں سجدے لٹاچکا ہوں لٹا رہا ہوں

میں ان بہاروں کا ہمنوا ہوں ، میں گیت بہجت کے گا رہا ہوں مگر شگفتِ بہار میں بھی

اس عہدِ گُل کے نکھار میں بھی مرے جگر میں اک آگ ایسی دہک رہی ہے

جو میری جاں کو جلا رہی ہے میں ناتوانوں کے قافلے میں بھی سب سے پیچھے ہوں پا شکستہ

میں بے نواؤں کی انجمن میں بھی ایک ٹوٹی ہوئی صدا ہوں مری ندامت ہی میرے دل کو

لہو کے آنسو رلا رہی ہے مجھے ندامت ہے میرے رہبر

مرے پیمبر میں جی رہا ہوں مگر جہاں میں

ارضِ کشمیر و بُوسینیا میں حسین بچے، جمیل بوڑھے، جوان رعنا، عفیف بہنیں، نظیف مائیں

دریدہ کلیاں، بریدہ غنچے، لہو میں ڈوبی بدن قبائیں مجھے رلائیں

مرے پیمبر اے میرے رہبر

مجھے ندامت ہے زندگی پر کہ میں جی رہا ہوں

سبزہ زاروں کی سرزمیں پر گُلوں کے اس فرشِ مخملیں پر

ہزاروں لاکھوں گلاب چہرے وہ تیرے دیں کی کتاب چہرے

وہ جراتوں کا نصاب چہرے تجھی سے نسبت کے جرم میں وہ

کٹے پڑے ہیں خاک و خوں میں اٹے پڑے ہیں

ستم گروں کے نگر میں جیسے شرف و عزّ و ناموس کھو کر

ورق ورق وہ دریدہ ہو کر بکھر گئے ہیں

ربیع الاول بہارِ عالم کی گُل رُتوں میں

تری محبت کے نقش بن کر لہو نہا کر نکھر گئے ہیں

مرے پیمبر! اے میرے رہبر!

مجھے ندامت ہے زندگی پر کہ میں جی رہا ہوں

عظیم آقا ! کریم آقا ! رؤف آقا ! رحیم آقا !

تری محبت میں غم کے مارے دشمنوں میں گھرے ہوئے ہیں

وہ جانیں اپنی گنوا رہے ہیں وہ گردنیں بھی کٹا رہے ہیں

لبوں پہ ان کے ہیں چپ کے تالے دلوں سے اٹھتے ہیں پھر بھی نالے

اب ان کی آنکھیں گدا کے کشکول بن کے چاروں طرف لگی ہیں

کوئی نہیں ہے جو آگے آئے ان کے درد و الم مٹائے

عظیم آقا ! کریم آقا ! رؤف آقا ! رحیم آقا !

ربیع الاول کی ان بہاروں کو اک ذرا سا اشارہ دیجے حکم کیجے

کہ ارضِ کشمیر و بوسینیا پر کوئی کرم کی گھٹا اٹھائیں

کہیں سے کوئی دلیر قاسم کہیں سے کوئی شجیع خالد

کہیں سے کوئی فاروق آئے ، جو ان کے درد و الم مٹائے مرے پیمبر !

اے میرے رہبر ! مجھے ندامت ہے زندگی پر

کہ میں جی رہا ہوں عظیم آقا ! کریم آقا !

رؤف آقا ! رحیم آقا ! ترے فقیروں کی خیر آقا ! ترے گداؤں کی خیر آقا !

جو دب رہی ہیں جو بجھ رہی ہیں اب ان صداؤں کی خیر آقا !

تری نمازوں کی خیر آقا ! تری اذانوں کی خیر آقا ! جو مٹ رہے ہیں سمٹ رہے ہیں

اب ان ترانوں کی خیر آقا ! شہیدِ کرب و بلا کا صدقہ

حنین و بدر و احد کے سارے وفا شعاروں کی جاں سپاری وفا کا صدقہ

اب ارضِ کشمیر و بوسینیا سے ستم کی گہری یہ رات بیتے

یوں جبر ٹوٹے یوں کفر بھاگے کہ اہلِ حق کی سپاہ جیتے

کریم آقا ! عظیم آقا ! رؤف آقا ! رحیم آقا !

ربیع الاول کے زندہ لمحوں کو حکم دیجے کہ ارضِ کشمیر و بوسینیا پر

نئی رُتوں میں نئی پھبن سے نئی دھنک سے نئی مہک سے

روش روش پر بہار برسے ربیع الاول کرم کی برکھا

رحمتوں کی پھوار برسے کریم آقا ! عظیم آقا !

رؤف آقا ! رحیم آقا درود تجھ پر سلام آقا !

سلام تجھ پر درود آقا

ماہِ روشن بہارِ عالم

Share This Naat

Related Naats

اچیاں نے شاناں او یار نبی مختار دیاں

درِ اقدس پہ مجھ کو بھی بلائیں گے کسی دن وہ

یا نبی دیکھا یہ رُتبہ آپ کی نعلین کا

عزمِ طیبہ ہے تجھ پہ رحمت ہو