درِ اقدس پہ مجھ کو بھی بلائیں گے کسی دن وہ
نظر اپنی مری جانب اٹھائیں گے کسی دن وہ
Dar-e-aqdas pe mujh ko bhi bulayenge kisi din woh
Nazar apni meri janib uthayenge kisi din woh
مجھے مرسل سے ملنے کی تڑپ دل میں رلاتی ہے
قمر سے بھی حسیں چہرہ دکھائیں گے کسی دن وہ
Mujhe mursal se milne ki tarap dil mein rulaati hai
Qamar se bhi haseen chehra dikhayenge kisi din woh
وہ سایہ اپنی کملی کا عطا کر کے سرِ محشر
تنی چادر تمازت کی اٹھائیں گے کسی دن وہ
Woh saya apni kamli ka ata kar ke sar-e-mahshar
Tani chadar tamazat ki uthayenge kisi din woh
اے پیاسو مصطفیٰ کے گھر کبھی جانا مدینے میں
تو اپنے ہاتھ سے زمزم پلائیں گے کسی دن وہ
Ae pyaso Mustafa ke ghar kabhi jana Madine mein
To apne hath se zamzam pilayenge kisi din woh
کہیں گے انبیا ’’ نفسی‘‘ تو اُس مشکل گھڑی میں پھر
شفاعت کر کے کملی میں چھپائیں گے کسی دن وہ
Kahenge anbiya "nafsi" to us mushkil ghari mein phir
Shafaat kar ke kamli mein chupayenge kisi din woh
سنا ہے ملنے آتے ہیں اجل کے بعد مومن کو
لحد پھر تو ارم جیسی بنائیں گے کسی دن وہ
Suna hai milne aate hain ajal ke baad momin ko
Lahad phir to Iram jaisi banayenge kisi din woh
لحد پر گل نچھاور کر کے جانا گھر میں اپنے سب
غریبوں کی لحد بھی وہ سجائیں گے کسی دن وہ
Lahad par gul nichawar kar ke jana ghar mein apne sab
Ghareebo ki lahad bhi woh sajayenge kisi din woh
وہ فرمائیں گے یوں اک دن اٹھاؤ میرے قائم کو
مجھے یہ جاں فزا مژدہ سنائیں گے کسی دن وہ
Woh farmaenge yun ik din uthao mere qaem ko
Mujhe ye jaan-fiza mujda sunayenge kisi din woh
Share This Naat
Share with friends and family
درِ اقدس پہ مجھ کو بھی بلائیں گے کسی دن وہ
سید حب دار قائم