ہم کہاں مدحتِ سرور کا ہنر رکھتے ہیں
حرفِ توصیف میں بس دیدۂ تر رکھتے ہیں
ham kahan mad'hat-e-sarwar ka hunar rakhte hain
harf-e-tauseef mein bas deeda-e-tar rakhte hain
وہ جسے چاہیں گے تعبیر عطا کر دیں گے
ان کی دہلیز پہ ہر خواب کا سر رکھتے ہیں
woh jise chahen ge tabeer ata kar den ge
un ki dehleez pe har khwab ka sar rakhte hain
موند کر آنکھ مواجہ پہ پہنچ جائیں گے
ہم تہی دست یہی طرزِ سفر رکھتے ہیں
mond kar aankh mawajah pe pohanch jayein ge
ham tahi dast yahi tarz-e-safar rakhte hain
بابِ تعبیر پہ اک ناقہ سوار آئے گا
عجز پلکوں کا سرِ راہ گزر رکھتے ہیں
bab-e-tabeer pe ek naaqa sawar aaye ga
ajz palkon ka sar-e-raah guzar rakhte hain
شب گزیدہ ہیں اندھیروں کے طرف دار نہیں
اپنی پلکوں پہ تمنائے سحر رکھتے ہیں
shab gazeeda hain andheron ke taraf dar nahi
apni palkon pe tamana-e-sehar rakhte hain
تیری نسبت ہی نے شاداب کیا ہے ورنہ
خشک اشجار کہاں برگ و ثمر رکھتے ہیں
teri nisbat hi ne shadab kiya hai warna
khushk asjaar kahan barg o samar rakhte hain
پیش کر دیں گے سرِ جلوہ گہِ شاہِ امم
اپنی پلکوں میں پس انداز گہر رکھتے ہیں
paish kar dein ge sar-e-jalwa gah-e-shah-e-umm
apni palkon mein pas andaz gaher rakhte hain
جس کو دو لخت کریں وہ جسے الٹا پھیریں
نوکِ انگشت پہ خورشید و قمر رکھتے ہیں
jis ko do lakht karein woh jise ulta pherein
noke angausht pe khurshid o qamar rakhte hain
دربدر ہونے کی اشفاقؔ ضرورت ہی نہیں
ہاتھ پھیلانے کو سرکار کا در رکھتے ہیں
darbadar hone ki Ashfaq zarurat hi nahi
haath phelane ko sarkar ka dar rakhte hain
Share This Naat
Share with friends and family
ہم کہاں مدحتِ سرور کا ہنر رکھتے ہیں
اشفاق احمد غوری