ہوتی ہے بہ یاد شہؐ دیں طبع رواں اور
ہے میرے گلستاں کی بہار اور خزاں اور
Hoti hai be yaad Shahؐ Deen tab' rawan aur
Hai mere gulistan ki bahar aur khizan aur
مطلوب ہے اب بھی مجھے کیف دل و جاں اور
مصروف رہے شاہؐ کی مدحت میں زباں اور
Matlub hai ab bhi mujhe kaif dil o jan aur
Masroof rahe Shahؐ ki mad'hat mein zuban aur
لکھنی ہے مجھے مدح شہؐ کون و مکاں اور
یارب ہو عطا قوت اظہار و بیاں اور
Likhni hai mujhe madh Shahؐ kon o makan aur
Yarab ho ata quwat izhar o bayan aur
تسلیم کہ رنگیں ہیں بہت طور کے جلوے
لیکن ہے مدینے کا دل افروز سماں اور
Tasleem ke rangeen hain bohot tor ke jalwe
Lekin hai madine ka dil afroz samaan aur
جز فخر رسل کوئی نہیں رحمت عالم
جز میر عرب کوئی نہیں شاہؐ شہاں اور
Juz fakhr rusul koi nahi rehmat alam
Juz mir arab koi nahi Shahؐ shahan aur
کیا بزم جہاں نور نبیؐ سے نہیں روشن ؟
کیا شمس و قمر میں ہے کوئی جلوہ فشاں اور ؟
Kya bazm jahan nur nabiؐ se nahi roshan?
Kya shams o qamar mein hai koi jalwa fishan aur?
جاں بخش و سکوں بار ہیں طیبہ کی فضائیں
اس دیس کی مانند نہیں کوئی جہاں اور
Jan bakhsh o sukoon bar hain tayyeba ki fazaen
Is dais ki manind nahi koi jahan aur
کیا غم جو مجھے چھوڑ گئے قافلے والے
اک قافلہ طیبہ کی طرف ہوگا رواں اور
Kya gham jo mujhe chor gaye qafle wale
Ik qafila tayyeba ki taraf hoga rawan aur
جب مانگا ہے داتا سے سکوں اور ملا ہے
جب چاہی ہے سرکار سے پائی ہے اماں اور
Jab manga hai daata se sukoon aur mila hai
Jab chahi hai sarkar se payi hai amaan aur
لکھتا ہوں جو توصیف و ثنائے شہؐ والا
ہوتا ہے مرے سامنے جلوؤں کا جہاں اور
Likhta hoon jo toseef o sana'e Shahؐ wala
Hota hai mere samne jallowon ka jahan aur
ملتی نہیں ہر دل کو تمنائے مدینہ
مانگوں گا در شاہؐ سے یہ جنس گراں اور
Milti nahi har dil ko tamana'e madina
Mangoonga dar Shahؐ se ye jins garan aur
مکے سے فزوں شہر مدینہ کا شرف ہے
یہ قبلہ دل اور ہے یہ کعبہ جاں اور
Makke se fazoon shehar madina ka sharaf hai
Ye qibla dil aur hai ye kaaba jan aur
صد شکر کہ مداح رسولؐ عربی ہوں
مجھ کو نہیں منظور کوئی نام و نشان اور
Sad shukar ke maddah rasoolؐ arabi hoon
Mujhko nahi manzoor koi naam o nishan aur
یہ نعت کے اسرار کبھی ختم نہ ہوں گے
ہیں سینہ مظہرؒ میں کئی راز نہاں اور
Ye naat ke asrar kabhi khatam na honge
Hain seenah Mazharؒ mein kai raaz nihan aur
Share This Naat
Share with friends and family
ہوتی ہے بہ یاد شہؐ دیں طبع رواں اور
مظہر الدین مظہر